തൃക്കാക്കര: എം.ജി യൂണിവേഴ്സിറ്റി ഇന്റർകോളേജിയേറ്റ് പുരുഷ കബഡി ടൂർണമെന്റിൽ ആതിഥേയരായ ഭാരതമാതാ കോളേജിന് കിരീടം. യൂണിവേഴ്സിറ്റിയുടെ ഇരു സോണുകളിൽ നിന്നുള്ള 8 ടീമുകളാണ് ഇന്റർസോൺ തലത്തിൽ മത്സരിച്ചത്. എം.ജി യൂണിവേഴ്സിറ്റി ഫിസിക്കൽ എഡ്യുക്കേഷൻ വിഭാഗം ഡയറക്ടർ ഡോ. ഇസ്മായിൽ താമരശേരി ടൂർണമെന്റ് ഉദ്ഘാടനം ചെയ്തു. ഭാരതമാതാ കോളേജ് മാനേജർ ഡോ. എബ്രഹാം ഒലിയപ്പുറത്ത്, അസിസ്റ്റന്റ് മാനേജർ ഫാ. ജിമ്മിച്ചൻ കർത്താനം, പ്രിൻസിപ്പൽ ഡോ. സൗമ്യ തോമസ്, അക്കാ‌ഡമിക് ഡയറക്ടർ പ്രൊഫ. ഡോ. കെ.എം. ജോൺസൻ, കോളേജ് കായിക വിഭാഗം അദ്ധ്യാപകരായ വി.എം. റോബിൻ, അജിത് ജോൺസൻ, ജോസ് സേവ്യർ, ടി.ജെ. ആന്റി എന്നിവർ സംസാരിച്ചു.