പറവൂർ: അക്ഷര പുണ്യത്തിന്റെ നിറവിൽ ക്ഷേത്രങ്ങളിൽ ഇന്ന് മഹാനവമിയും നാളെ വിജയദശമിയും ആഘോഷിക്കും. ദക്ഷിണ മൂകാംബിക ക്ഷേത്രത്തിൽ രാവിലെ കളഭം, ചിറപ്പ്, വിശേഷാൽപൂജകൾ നടക്കും. നാളെ പുലർച്ചെ അഞ്ചിന് പൂജയെടുപ്പ് തുടർന്ന് വിദ്യാരംഭം. പതിനെട്ട് ഗുരുക്കന്മാരാണ് കുട്ടികൾക്ക് ആദ്യാക്ഷരം കുറിക്കുന്നത്.

മൂത്തകുന്നം ശ്രീനാരായണമംഗലം ക്ഷേത്രത്തിൽ ഇന്ന് രാവിലെ 8ന് നവദുർഗാപൂജ, വൈകിട്ട് 6.30ന് നൃത്തസന്ധ്യ, നാളെ രാവിലെ 8ന് പൂജയെടുപ്പ്, വിദ്യാരംഭം, വിദ്യാമന്ത്രാർച്ചന.

ചക്കുമരശേരി ശ്രീകുമാരഗണേശമംഗലം മഹാക്ഷേത്രത്തിൽ ഇന്ന് രാവിലെയും വൈകിട്ടും വിശോഷാൽപൂജ, നാളെ രാവിലെ പൂജയെടുപ്പ് തുടർന്ന് വിദ്യാരംഭം.

പറവൂത്തറ കുമാരമംഗലം ക്ഷേത്രത്തിൽ ഇന്ന് ആയുധപൂജ, നാളെ രാവിലെ പൂജയെടുപ്പും വിദ്യാരംഭവും. തുടർന്ന് പ്രസാദഊട്ട്.

വെളുത്താട്ട് വടക്കൻ ചൊവ്വാ ഭഗവതിക്ഷേത്രത്തിൽ ഇന്ന് രാവിലെ 9ന് ആയുധപൂജ, പൂമൂടൽ. നാളെ രാവിലെ പൂജയെടുപ്പ്, വിദ്യാരംഭം.

പാല്യത്തുരുത്ത് ശ്രീനാരായണ സേവികാ ആശ്രമത്തിൽ ഇന്ന് രാവിലെ 6.30ന് മഹാനവമിപൂജ, നാളെ രാവിലെ 8ന് പൂജയെടുപ്പ് തുടർന്ന് വിദ്യാരംഭം.