ഇടുക്കി: ഓണത്തോനുബന്ധിച്ചുള്ള ജില്ലാ ഫെയർ ആരംഭിച്ച ആഗസ്റ്റ് 26 മുതൽ ചൊവ്വാഴ്ച വരെ സപ്ലൈകോ എട്ട് ദിവസം കൊണ്ട് നേടിയത് 21 ലക്ഷത്തിലധികം രൂപയുടെ വിറ്റുവരവ്. ഇതുവരെ 3091 ഉപഭോക്താക്കൾ ജില്ലാ ഓണം ഫെയർ നടക്കുന്ന സപ്ലൈകോ തൊടുപുഴ പീപ്പിൾസ് ബസാർ സന്ദർശിച്ചു. 21,33,777 രൂപയുടെ വിൽപ്പനയാണ് ഫെയർ അവസാനിക്കുന്നതിന് രണ്ട് ദിവസം മുമ്പ് വരെ നടന്നത്. ഇതിൽ സബ്സിഡി ഉത്പന്നങ്ങളുടെ വിൽപ്പന വഴി നേടിയത് 67,7613 രൂപയാണ്. സബ്സിഡി ഇനങ്ങളിൽ മട്ട അരി, പച്ചരി, വെളിച്ചെണ്ണ എന്നിവയ്ക്കായിരുന്നു വൻ ഡിമാന്റ്. സോൺ മാവേലി ഇനങ്ങളായ ശർക്കര ഗോതമ്പ് പൊടി, സാമ്പാർ പൊടി എന്നിവയുടെ വിൽപ്പനയും കൂടുതലായി നടന്നു.