ഇടുക്കി:ജില്ലയിലെ ദുരന്ത നിവാരണ പ്രവർത്തനങ്ങൾ ഏകോപിക്കുന്നതിനായുള്ള ഇൻസിഡന്റ് റെസ്‌പോൺസ് സിസ്റ്റം (ഐ.ആർ.എസ്) അംഗങ്ങൾക്ക് ജില്ലാ ദുരന്ത നിവാരണ അതോറിറ്റിയുടെ നേതൃത്വത്തിൽ പരിശീലനം നൽകി. കളക്ടർ ഡോ. ദിനേശൻ ചെറുവാട്ട് പരിപാടി ഉദ്ഘാടനം ചെയ്തു. ദുരന്ത നിവാരണ ചീഫ് എക്സിക്യൂട്ടീവ് ഓഫീസർ കൂടിയായ എ.ഡി.എം ഷൈജു പി ജേക്കബ് അദ്ധ്യക്ഷത വഹിച്ചു. കേരള ക്ലൈമറ്റ് ചേഞ്ച് അഡാപ്പ്‌റ്റേഷൻ മിഷൻ അഡ്മിനിസ്റ്റട്രേറ്റീവ് മാനേജർ സിജി എം. തങ്കച്ചൻ ക്ലാസുകൾ നയിച്ചു. ജില്ലാ - താലൂക്ക് തല ഐ.ആർ.എസ് അംഗങ്ങൾ, ദുരന്ത നിവാരണ വിഭാഗത്തിലെ ഉദ്യോഗസ്ഥർ തുടങ്ങിയവർ പരിശീലനത്തിൽ പങ്കെടുത്തു. ജില്ലാ എമർജൻസി ഓപ്പറേഷൻ സെന്റർ ഡി.എം പ്ലാൻ കോർഡിനേറ്റർ കൃഷ്ണപ്രിയ സ്വാഗതവും ദുരന്ത നിവാരണ സെക്ഷൻ ജൂനിയർ സൂപ്രണ്ട് ജയ്ൻ സ്റ്റീഫൻ നന്ദിയും പറഞ്ഞു.