അടിമാലി: ബൈസൺവാലി റ്റീ കമ്പനിക്ക് സമീപമുള്ള പാലത്തിന്റെ തകർന്ന കൈവരികൾ പുനർനിർമ്മിക്കണമെന്ന് ആവശ്യം.നാളുകൾക്ക് മുമ്പുണ്ടായ വാഹനാപകടത്തിലായിരുന്നു പാലത്തിന്റെ കൈവരികൾ തകർന്നത്.നാളുകൾ ഏറെ പിന്നിട്ടിട്ടും തകർന്ന കൈവരികൾ പുനർനിർമ്മിക്കാൻ നടപടി ഉണ്ടായിട്ടില്ല.ഈ സാഹചര്യത്തിലാണ് കൈവരികൾ പുനർനിർമ്മിച്ച് സുരക്ഷയൊരുക്കണമെന്ന ആവശ്യം ഉയർന്നിട്ടുള്ളത്.ഇടക്കിടെ വാഹനാപകടങ്ങൾ ഉണ്ടാകുന്ന പ്രദേശം കൂടിയാണിവിടം.തമിഴ്നാട്ടിൽ നിന്നുള്ള വിനോദ സഞ്ചാരസംഘം സഞ്ചരിച്ചിരുന്ന വാഹനം അപകടത്തിൽപ്പെട്ടതാണ് ഒടുവിലത്തെ സംഭവം. റോഡ് നവീകരണം കഴിഞ്ഞതോടെ വാഹനങ്ങൾ പലപ്പോഴും വലിയ വേഗതയിലാണ് ഇതുവഴി കടന്നു പോകുന്നത്. അപകട സാധ്യത കുറക്കാൻ പ്രദേശത്ത് കൂടുതൽ അപകട മുന്നറിയിപ്പ് സംവിധാനങ്ങൾ ഒരുക്കണമെന്നും ആവശ്യമുണ്ട്.