ഇടുക്കി: സ്വാമി വിവേകാനന്ദൻ യുവ പ്രതിഭ പുരസ്‌കാരത്തിന് അപേക്ഷ സമർപ്പിക്കുന്നതിനുള്ള തീയതി 25വരെ നീട്ടി. വ്യക്തിഗത പുരസ്‌കാരത്തിനായി അതാത് മേഖലയിലെ 18 നും 40 നും ഇടയിൽ പ്രായമുള്ള യുവജനങ്ങളെയാണ് നോമിനേറ്റ് ചെയ്യേണ്ടത് . സാമൂഹ്യ പ്രവർത്തനം മാധ്യമ പ്രവർത്തനം (പ്രിന്റ്
മീഡിയ) , മാധ്യമ പ്രവർത്തനം (ദൃശ്യ മാധ്യമം ), കലാ സാഹിത്യം , കായികം (വനിത), കായികം (പുരുഷൻ) , സംരംഭകത്വം, കൃഷി, എന്നീ മേഖലകളിൽ നിന്നും മികച്ച
ഓരോ വ്യക്തിക്കു വീതം ആകെ 9 പേർക്കാണ് പുരസ്‌കാരങ്ങൾ നൽകുന്നത്.പുരസ്‌കാരത്തിനായി സ്വയം അപേക്ഷ സമർപ്പിക്കാൻ കഴിയില്ല. അതാത് മേഖലകളുമായി ബന്ധപ്പെട്ട ഏതൊരാൾക്കും മറ്റൊരു വ്യക്തിയെ നാമനിർദ്ദേശം ചെയ്യാവുന്നതാണ്.പുരസ്‌കാരത്തിന് അർഹരാവുന്നവർക്ക് 50000 രൂപയും പ്രശസ്തി പത്രവും നൽകുന്നു.കൂടാതെ കേരള സംസ്ഥാന യുവജനക്ഷേമ ബോർഡിൽ അഫിലിയേറ്റു ചെയ്തയൂത്ത്, യുവ , അവളിടം ക്ലബ്ബുകളിൽ നിന്നും അവാർഡിനായി അപേക്ഷകൾ ക്ഷണിക്കുന്നു.ജില്ലാതലത്തിൽ തെരെഞ്ഞെടുക്കപ്പെടുന്ന മികച്ച ക്ലബ്ബിന് 30000രൂപയുംപ്രശസ്തി പത്രവും പുരസ്‌കാരവും നൽകുന്നു . ജില്ലാതലത്തിൽ അവാർഡ് ലഭിച്ച ക്ലബ്ബുകളെയാണ് സംസ്ഥാനതലത്തിലെ അവാഡിന് പരിഗണിക്കുന്നത്.സംസ്ഥാന അവാർഡ് നേടുന്ന ക്ലബ്ബിന് 50000 രൂപയും പ്രശസ്തി പത്രവും പുരസ്‌കാരവും നൽകുന്നു. മാർഗ്ഗ നിർദ്ദേശങ്ങളും അപേക്ഷ ഫോറവും ജില്ലാ യുവജന കേന്ദ്രം,പുളിമൂട്ടിൽ
ഷോപ്പിംഗ് ആർക്കേഡ്, തൊടുപുഴ ഓഫീസിലും (www.ksywb.kerala.gov.in എന്ന വെബ് സൈറ്റിലും ലഭ്യമാണ്. കൂടുതൽ വിവരങ്ങൾക്ക്: 9895183934 ,
9446601880