പീരുമേട്:ടെക്നിക്കൽ ഹയർ സെക്കന്ററി സ്‌കൂൾ വിദ്യാർത്ഥികൾ ലഹരിക്കെതിരെ മെഗാ വാക്കത്തോൺ സംഘടിപ്പിച്ചു.എക്‌സൈസ് ഇൻസ്‌പെക്ടർ മിഥുൻ വിജയ് ഫ്ളാഗ് ഓഫ് ചെയ്തു. വിദ്യാർത്ഥികൾ പഴയ പാമ്പനാറിൽ നിന്നും പാമ്പനാറിലേക്ക് ലഹരി വിരുദ്ധറാലി നടത്തി.
പാമ്പനാറിൽ സമാപിച്ചറാലിക്ക് ശേഷം നടന്ന യോഗം ജില്ലാ പഞ്ചായത്ത് പ്രസിഡന്റ് രാരിച്ചൻ നീറണാംകുന്നേൽ ഉദ്ഘാടനചെയ്തു. പ്രിൻസിപ്പൽ പി.ബാബു അദ്ധ്യക്ഷനായിരുന്നു. എക്‌സൈസ് ഇൻസ്‌പെക്ടർ രാജ്കുമാർ ബി., വാർഡ് മെമ്പർ എ.രാമൻ,പി.ബിൻസി, ടി.ജെ. മാത്യു, ജോൺ പോൾ, മനോഹരൻ ഡി., എം. ശേഖരൻ, കെ. രാജൻ, എൻ.എസ്.എസ്. പ്രോഗ്രാം ഓഫീസർ ആർ.മരിയമ്മാൾ .എൻ.എസ്.എസ്. പ്രോഗ്രാം ഓഫീസർ ഡോണ ജോർജ്, അനു കെ.കെ., ഫാരിസ ഹാരിസ്, ഇന്ദു എബിൻ എന്നിവർ നേതൃത്വം നൽകി.ഫ്ളാഷ് മോബും സംഘടിപ്പിച്ചു.