തൊടുപുഴ: ശ്രീകൃഷ്ണ റസിഡൻസ് അസോസയേഷൻ ഓണാഘോഷം നടത്തി. തൊടുപുഴ ഗായത്രി ഓഡറ്റോറിയത്തിൽ പ്രസിഡന്റ് ജയചന്ദ്രന്റെ അദ്ധ്യക്ഷതയിൽ നടന്ന ഓണാഘോഷം മുൻസിപ്പൽ ചെയർമാൻ കെ.ദീപക് ഉദ്ഘാടനം ചെയ്തു. വാർഡ് കൗൺസിലർ ജയലക്ഷ്മി ഗോപൻ ഓണ സന്ദേശം നൽകി.വിദ്യാഭ്യാസരംഗത്ത് ഉന്നത വിജയം നേടിയ ആര്യ ജയശങ്കർ, പാർവ്വതി അനിൽ എന്നിവർക്ക് ഡോ. മൈത്രയി ഏർപ്പെടുത്തിയ ക്യാഷ് അവാർഡ് സമ്മാനിച്ചു. മത്സര വിജയികൾക്ക് ചെയർമാൻ സമ്മാനങ്ങൾ നൽകി. കുടുംബാംഗങ്ങളുടെ വിവിധ കലാപരിപാടികളും അരങ്ങേറി. സെക്രട്ടറി കെ.ആർ രഘു സ്വാഗതവും കെ.ഹരിലാൽ നന്ദിയും രേഖപ്പെടുത്തി.