ഇടുക്കി: ജില്ലയിലെ 26 കുടുംബശ്രീ സി.ഡി.എസുകൾക്ക് ഐ.എസ്.ഒ അംഗീകാരം ലഭിച്ചു. പ്രവർത്തനങ്ങളിൽ മികവ് ഉറപ്പാക്കുന്നതിന്റെ ഭാഗമായി നടപ്പാക്കിയ ക്വാളിറ്റി മാനേജ്‌മെന്റ് സിസ്റ്റം (ക്യു.എം.എസ്) വിജയകരമായി പൂർത്തിയാക്കിയാണ് ഈ നേട്ടം കൈവരിച്ചത്.
​കൃത്യമായ ഫയൽ പരിപാലനം, സാമ്പത്തിക ഇടപാടുകളും രജിസ്റ്ററുകളും സൂക്ഷിക്കുന്നതിലെ കൃത്യത, അയൽക്കൂട്ടങ്ങളെക്കുറിച്ചുള്ള വിവരങ്ങൾ കൃത്യമായി രേഖപ്പെടുത്തൽ, കാര്യക്ഷമമായ അക്കൗണ്ടിങ് സംവിധാനം, കൃത്യമായ ഇന്റേണൽ ഓഡിറ്റിങ് എന്നിവയാണ് സി.ഡി.എസുകൾക്ക് ഈ അംഗീകാരം ലഭിക്കാൻ പ്രധാന കാരണം. പ്രവർത്തനങ്ങളിൽ സമ്പൂർണ്ണ ഗുണമേന്മ ഉറപ്പാക്കുക എന്നതാണ് ക്വാളിറ്റി മാനേജ്‌മെന്റ് സിസ്റ്റത്തിലൂടെ ലക്ഷ്യമിടുന്നത്. ഇതിലൂടെ ഉപഭോക്താക്കൾക്ക് കൂടുതൽ സംതൃപ്തിയോടെയുള്ള സേവനം സാധ്യമാകും.

​ഐ.എസ്.ഒ അംഗീകാരം

ലഭിച്ച സി.ഡി.എസുകൾ

ആലക്കോട്, ഇടവെട്ടി, കരിമണ്ണൂർ, കരിങ്കുന്നം, കോടിക്കുളം, മണക്കാട്, വെള്ളിയാമറ്റം, അറക്കുളം, മുട്ടം.
കാമാക്ഷി,മരിയാപുരം, വാത്തിക്കുടി, ഉപ്പുതറ, നെടുങ്കണ്ടം, പാമ്പാടുംപാറ, പീരുമേട്, വണ്ടിപ്പെരിയാർ, മൂന്നാർ, ശാന്തൻപാറ, സേനാപതി, ഉടുമ്പഞ്ചോല, രാജകുമാരി, ഇരട്ടയാർ, വാഴത്തോപ്പ്, വെള്ളത്തൂവൽ, അടിമാലി.