പുറപ്പുഴ: എസ്.എൻ.ഡി.പി യോഗം കുണിഞ്ഞി ശാഖയിലെ ചെമ്പഴന്തി കുടുംബയോഗ വാർഷികവും പുതിയ ഭരണ സമിതി തിരഞ്ഞെടുപ്പും 28ന് മുണ്ടിയാനിയിൽ കരുണാകരന്റെ വീട്ടിൽ നടക്കും. രാവിലെ ഒമ്പതിന് കുടുംബയോഗം ചെയർമാൻ രമേശ് തോട്ടത്തിൽ പതാക ഉയർത്തും. തുടർന്ന് കലാ കായിക മത്സരങ്ങൾ. ഉച്ചഭക്ഷണം രണ്ടിന് നടക്കുന്ന പൊതുസമ്മേളനം തൊടുപുഴ യൂണിയൻ അഡ്മിനിസ്‌ട്രേറ്റീവ് കമ്മിറ്റിയംഗം സ്മിത ഉല്ലാസ് ഉദ്ഘാടനം ചെയ്യും. ചെയർമാൻ രമേശ് തോട്ടത്തിൽ അദ്ധ്യക്ഷത വഹിക്കും. കൺവീനർ ജിജി മനോജ് കണക്കും റിപ്പോർട്ട് അവതരണവും നടത്തും. ശാഖാ പ്രസിഡന്റ് സാജു കോലത്തേൽ മുഖ്യപ്രഭാഷണം നടത്തും. സെക്രട്ടറി അജി കോലത്തേൽ സംഘടനാ സന്ദേശം നൽകും. യൂത്ത്മൂവ്‌മെന്റ് സെക്രട്ടറി ശരത് ചന്ദ്രൻ, കമ്മിറ്റിയംഗം അമൽ ശശി, വനിതാ സംഘം സെക്രട്ടറി സുനിത നൈജു, ഗുരുകുലം കുടുംബയോഗം ചെയർമാൻ സുധാകരൻ കോലത്തേൽ, ഗുരുനാരായണ കുടുംബയോഗം കൺവീനർ മിനി വിജയകുമാർ, ഗുരുപ്രസാദം കുടുംബയോഗം കൺവീനർ പ്രിയ സുനിൽ, കുമാരി സംഘം പ്രസിഡന്റ് ആര്യ രമേശ് എന്നിവർ പ്രസംഗിക്കും. ജോയിന്റ് കൺവീനർ സുധാ ദിവാകരൻ സ്വാഗതവും കമ്മിറ്റിയംഗം അജേഷ് വെട്ടുകല്ലുംപുറത്ത് നന്ദിയും പറയും.