ഇടുക്കി:നവരാത്രി പൂജകളിൽ വളരെ പ്രാധാന്യമുള്ള ദുർഗ്ഗാഷ്ടമി ദിവസമായ 30ന് സംസ്ഥാനത്ത് പൊതു അവധി നൽകണമെന്ന് എൻ.ജി.ഒ സംഘ്. സർക്കാർ കലണ്ടറിൽ 29 പൂജവെയ്പ്പ് എന്ന് രേഖപ്പെടുത്തിയിട്ടുണ്ടെങ്കിലും ദുർഗ്ഗാഷ്ടമിയ്ക്ക് അവധിയില്ലാത്തത് വിശ്വാസികൾക്ക് ബുദ്ധിമുട്ടുണ്ടാക്കുന്നതാണ്. തൊഴിലുപകരണങ്ങളും, പുസ്തകങ്ങളും പൂജവച്ച് കഴിഞ്ഞാൽ പൂജയെടുപ്പുവരെ തൊഴിലും, വായനയും ഒഴിവാക്കണമെന്നതാണ് ആചാരം. ഇതിനാൽ 30ന് സംസ്ഥാനത്ത് പൊതു അവധി പ്രഖ്യാപിക്കണമെന്ന് ജില്ലാ പ്രസിഡന്റ് വി. ആർ . പ്രേംകിഷോർ, സെക്രട്ടറി ഇനിറ്റ് അയ്യപ്പൻ എന്നിവർ ആവശ്യപ്പെട്ടു.