ഇടുക്കി : 'ജനങ്ങളോടൊപ്പം സബ് കളക്ടർ' എന്ന കാമ്പയിനിന്റെ ഭാഗമായി സബ് കളക്ടർ അനൂപ് ഗാർഗ് ഇടുക്കി താലൂക്കിലെ തങ്കമണി വില്ലേജിൽ ഇന്ന് രാവിലെ 10 മുതൽ സന്ദർശനം നടത്തും. ഭരണകൂടത്തെ ജനങ്ങളുമായി കൂടുതൽ അടുപ്പിക്കുന്നതിനും നേരിട്ട് സംവദിക്കാനുമുള്ള പ്രത്യേക പരിപാടിയാണ് ജനങ്ങളോടൊപ്പം സബ് കളക്ടർ. വില്ലേജ് ഓഫീസിൽ പൊതുജനങ്ങൾക്ക് സബ് കളക്ടറുമായി നേരിട്ട് സംസാരിക്കാനും അപേക്ഷകൾ നൽകാനും പരിപാടിയിലൂടെ അവസരം ലഭിക്കും. ഇതിനകം കൊക്കയാർ, പെരുവന്താനം, പീരുമേട് വില്ലേജുകളിൽ സന്ദർശനം നടത്തി. പൊതുജനങ്ങളുടെ പരാതികളും നിവേദനങ്ങളും വാക്കാലുള്ള പരാതികളും അപേക്ഷകളും രേഖാമൂലം സ്വീകരിച്ച് സബ് കളക്ടറുടെ ഓഫീസിൽ നിന്ന് ബന്ധപ്പെട്ട വകുപ്പുകൾക്ക് പ്രത്യേക കത്ത് നൽകി. സമയബന്ധിതമായി ഇവ ഫോളോ അപ്പ് ചെയ്ത് പ്രശ്നപരിഹാരം ഉറപ്പാക്കി. സബ് കളക്ടറെ ബന്ധപ്പെടാനുള്ള നമ്പർ: 9447184231