കട്ടപ്പന: മാട്ടുക്കട്ട മൃഗാശുപത്രിയുടെ നേതൃത്വത്തിൽ ആട്ടിൻകുട്ടികളെ വിതരണം ചെയ്തു. അയ്യപ്പൻകോവിൽ പഞ്ചായത്ത് പ്രസിഡന്റ് ജയ്‌മോൾ ജോൺസൺ ഉദ്ഘാടനം ചെയ്തു. കഴിഞ്ഞ സാമ്പത്തിക വർഷത്തിലെ സ്പില്ലോവർ പദ്ധതിയിൽ 1.15ലക്ഷം രൂപയും, ഈ വർഷത്തെ 3 ലക്ഷം രൂപയും ചെലവഴിച്ചാണ് പദ്ധതി നടപ്പിലാക്കിയത്. ആദ്യഘട്ടത്തിൽ 22 പേർക്കാണ് വിതരണം ചെയ്തത്. പഞ്ചായത്തംഗങ്ങളായ സോണിയ ജെറി, സിജി അറഞ്ഞനാൽ, വെറ്റിറിനറി ഡോക്ടർ റോസ് മേരി,ലൈവ് സ്റ്റോക്ക് ഇൻസ്‌പെക്ടർ റീജ വി നാഥ് എന്നിവർ പങ്കെടുത്തു.