കട്ടപ്പന: ലബ്ബക്കട ജെ.പി.എം ആർട്സ് ആൻഡ് സയൻസ് കോളേജിൽ എൻ.എസ്എസ് ദിനാചരണത്തിന്റെ ഭാഗമായി വയോജനങ്ങൾക്കായി വിനോദയാത്ര സംഘടിപ്പിച്ചു. പ്രിൻസിപ്പൽ ഡോ. വി.ജോൺസൺ ഉദ്ഘാടനം ചെയ്തു. ഒറ്റപ്പെടൽ അനുഭവിക്കുന്ന വയോജനങ്ങളെ ചേർത്തുനിർത്തുക, വയോജനങ്ങളുടെ സംരക്ഷണം ഏറ്റെടുക്കാത്ത മക്കൾക്കും പേരക്കുട്ടികൾക്കുമെതിരെ നിയമപരമായി നീങ്ങാനുള്ള ശേഷി കൈവരിക്കുക തുടങ്ങിയവയാണ് ഇതിലൂടെ ലക്ഷ്യമിടുന്നത്. ഇരട്ടയാർ ആൽഫോമൻസാ ഭവനിലെ വയോജനങ്ങൾക്കൊപ്പമാണ് പ്രോഗ്രാം ഓഫീസർമാരും യൂണിറ്റംഗങ്ങളും വിനോദയാത്ര നടത്തിയത്. മാനേജർ ഫാ. ജോൺസൺ മുണ്ടിയത്ത്, വൈസ് പ്രിൻസിപ്പൽ ഫാ. പ്രിൻസ് തോമസ്, ബർസാർ ഫാ. ചാൾസ് തോപ്പിൽ, പ്രോഗ്രാം ഓഫീസർമാരായ ടിജി ടോം, സോണിയ ജെയിംസ് എന്നിവർ സംസാരിച്ചു. പ്രോഗ്രാംഓഫീസർമാരായ മോനിഷ സി. വിജയൻ, രാഹുൽ ജോർജ്, ഡോ. വിഷ്ണു സജൻ, എന്നിവർ നേതൃത്വം നൽകി.