കട്ടപ്പന: നിർമാണം പൂർത്തീകരിച്ച ഉപ്പുതറ ഒമ്പതേക്കർ ക്ഷേത്രംപടി റോഡ് തുറന്നു. പഞ്ചായത്തംഗം ജെയിംസ് തോക്കൊമ്പേൽ ഉദ്ഘാടനം ചെയ്തു. നാളുകളായി തകർന്നുകിടന്ന റോഡ്, ജെയിംസ് തോക്കൊമ്പേലിന്റെ ഇടപെടലിലാണ് കഴിഞ്ഞ സാമ്പത്തികവർഷം അനുവദിച്ച 5 ലക്ഷം രൂപ ചെലവഴിച്ച് കോൺക്രീറ്റ് ചെയ്ത് സഞ്ചാരയോഗ്യമാക്കിയത്. 2023ൽ പി.എം.ജി.എസ്‌.ഐ പദ്ധതിപ്രകാരം ലഭിച്ച തുക ഉപയോഗിച്ച് കുറച്ച് ഭാഗം കോൺക്രീറ്റ് ചെയ്തിരുന്നു.