തൊടുപുഴ: ലോക ഹൃദയാരോഗ്യ ദിനാചണത്തിന്റെ ഭാഗമായി തൊടുപുഴ സെന്റ് മേരീസ് ഹോസ്പിറ്റലും ലയൺസ് ക്ലബ്ബും സംയുക്തമായി വാക്കത്തോൺ സംഘടിപ്പിച്ചു. അഡ്വ. ഡീൻ കുര്യാക്കോസ് എം.പി ഉദ്ഘാടനം ചെയ്തു. തൊടുപുഴ ഡിവൈ.എസ്.പി പി.കെ സാബു വാക്കത്തോൺ ഫ്ളാഗ് ഓഫ് ചെയ്തു. ലയൺസ് ക്ലബ് പ്രസിഡന്റ് ഡോ. മെർലിൻ ഏലിയാസ് സ്വാഗതം പറഞ്ഞു.. ഡോ. ഏലിയാസ് സണ്ണി ഡെന്റൽ ക്ലിനിക്ക് ഉടമ ഡോ.ഏലിയാസ് തോമസ് ആശംസ നേർന്നു. വാക്കത്തോൺ സെന്റ് മേരീസ് ആശുപത്രിയിൽ നിന്ന് ആരംഭിച്ച് നഗരം ചുറ്റി സെന്റ് മേരീസ് ആശുപത്രിയിൽ സമാപിച്ചു. സമാപന ചടങ്ങിൽ കാർഡിയോളജിസ്റ്റും സെന്റ് മേരീസ് ആശുപത്രി മാനേജിംഗ് ഡയറക്ടറുമായ ഡോ. മാത്യു എബ്രഹാം ഹൃദയാരോഗ്യത്തെക്കുറിച്ച് ബോധവൽക്കരണ പ്രഭാഷണം നടത്തി. ലയൺസ് ക്ലബ്ബ് അംഗങ്ങളും സെന്റ് മേരീസ് ഹോസ്പിറ്റൽ ജീവനക്കാരും വാക്കത്തോണിൽ അണിനിരന്നു.