വൈക്കം: വടക്കേനട ഹരിത റസിഡന്റ്സ് അസോസിയേഷന്റെ ഓണാഘോഷ പരിപാടികൾ റോട്ടറി ക്ലബ് ഹാളിൽ ഗായകൻ വി. ദേവാനന്ദ് ഉദ്ഘാടനം ചെയ്തു. പ്രസിഡന്റ് ജീവൻ ശിവറാം അദ്ധ്യക്ഷത വഹിച്ചു. വൈക്കം ക്ഷേത്രം മേൽശാന്തി തരണി. ഡി. നാരായണൻ നമ്പൂതിരി മുഖ്യപ്രഭാഷണം നടത്തി. കെ. രഘുനന്ദൻ രേവതി ഓണസന്ദേശം നൽകി. പി. ഗോപാലകൃഷ്ണൻ മെമ്മോറിയൽ എൻഡോവ്‌മെന്റ് വിതരണവും, മികച്ച വിജയം നേടിയ വിദ്യാർത്ഥികളെ ആദരിക്കലും, വിവിധ രംഗങ്ങളിൽ കഴിവ് തെളിയിച്ചവരേയും, ദാമ്പത്യ ജീവിതത്തിൽ 40 വർഷം പിന്നിട്ട ദമ്പതിമാരേയും ചടങ്ങിൽ ആദരിച്ചു. സെക്രട്ടറി പി.എം. സന്തോഷ്‌കുമാർ, കൗൺസിലർ ബി. ചന്ദ്രശേഖരൻ, റോട്ടറി ക്ലബ് പ്രസിഡന്റ് നിമ്മി ജെയിംസ്, നന്ദുലാൽ ശാന്തിപുഷ്പം എന്നിവർ പ്രസംഗിച്ചു.