കോട്ടയം : തദ്ദേശ തിരഞ്ഞെടുപ്പിനുള്ള അന്തിമ വോട്ടർ പട്ടികയിവൽ ജില്ലയിൽ ആകെ 1623269 വോട്ടർമാർ. വാർഡ് പുനർ വിഭജനത്തിനു ശേഷം പുതിയ വാർഡുകളിലെ പോളിംഗ് സ്റ്റേഷൻ അടിസ്ഥാനത്തിലാണ് സംസ്ഥാന തിരഞ്ഞെടുപ്പ് കമ്മിഷൻ അന്തിമ വോട്ടർ പട്ടിക തയ്യാറാക്കിയത്. 776362 പുരുഷന്മാരും, 846896 സ്ത്രീകളും, ട്രാൻസ് ജെൻഡർ വിഭാഗത്തിൽപ്പെട്ട 11 പേരുമാണ് പട്ടികയിലുള്ളത്. പ്രവാസി വോട്ടർ പട്ടികയിൽ 37 പേരുണ്ട്. വോട്ടർ പട്ടിക സംസ്ഥാന തിരഞ്ഞെടുപ്പ് കമ്മിഷന്റെ വെബ്‌സൈറ്റിലും അതത് തദ്ദേശ സ്ഥാപനങ്ങളിലും താലൂക്ക്, വില്ലേജ് ഓഫീസുകളിലും പരിശോധനയ്ക്ക് ലഭിക്കും.