മണർകാട്: മണർകാട് പള്ളിയിലെ റാസയോടനുബന്ധിച്ച് 6ന് രാവിലെ 10.30 മുതൽ പൊലീസ് ഗതാഗത നിയന്ത്രണം ഏർപ്പെടുത്തി.

പാമ്പാടിയിൽ നിന്നും കോട്ടയത്തേക്ക് പോകേണ്ട വാഹനങ്ങൾ എരുമപ്പെട്ടി ജംഗ്ഷനിൽ നിന്നും കാട്ടിൽപടി മന്ദിരത്തിലൂടെ കഞ്ഞിക്കുഴി വഴി കോട്ടയത്തേക്ക് പോകണം. കോട്ടയത്ത് നിന്നും പാമ്പാടിയിലേക്ക് പോകേണ്ട വാഹനങ്ങൾ എൻ.എച്ച് 183 റോഡിലൂടെ പോകണം.

അയർക്കുന്നത്ത് നിന്നും കോട്ടയത്തേക്ക് പോകേണ്ട വാഹനങ്ങൾ മാലം പാലം ഭാഗത്ത് നിന്നും ടവർ ജംഗ്ഷൻ വഴി അങ്ങാടിവയലിൽ എത്തി എരുമപ്പെട്ടി വഴി പോകണം.

അയർക്കുന്നത്ത് നിന്നും കോട്ടയത്തേക്ക് പോകേണ്ട ബസുകൾ മാലം പാലം ജംഗ്ഷനിൽ നിന്നും കാവുംപടി വഴി മണർകാട് പള്ളിക്ക് സമീപത്തുള്ള ബസ് സ്റ്റാൻഡിൽ ആളെ ഇറക്കി, മാലം പാലം ടവർ ജംഗ്ഷൻ വഴി അങ്ങാടിവയൽ ജംഗ്ഷനിലൂടെ എരുമപ്പെട്ടി വഴി പോകണം.

തിരുവഞ്ചൂരിൽ നിന്നും കോട്ടയം പുതുപ്പള്ളി ഭാഗത്തേക്ക് പോകേണ്ട വാഹനങ്ങൾ തിരുവഞ്ചൂർ കുരിശുംപള്ളി ജംഗ്ഷനിൽ നിന്നും മോസ്‌കോ ജംഗ്ഷനിലെത്തി മിൽമ വടവാതൂർ, കളത്തിപ്പടി വഴി പുതുപ്പള്ളിക്ക് പോകണം.

ഏറ്റുമാനൂരിൽ നിന്നും പുതുപ്പള്ളി ഭാഗത്തേക്ക് പോകേണ്ട വാഹനങ്ങൾ തിരുവഞ്ചൂർ ജംഗ്ഷനിൽ നിന്നും അയർകുന്നത്തെത്തി മാലം, അങ്ങാടിവയൽ, എരുമപ്പെട്ടികാട്ടിൽപടി കാഞ്ഞിരത്തിൻ മൂട് ജംഗ്ഷൻ വഴി പുതുപ്പള്ളിക്ക് പോകണം.

പുതുപ്പള്ളിയിൽ നിന്നും തിരുവഞ്ചൂരിലേക്ക് പോകേണ്ട വാഹനങ്ങൾ തലപ്പാടി ജംഗ്ഷനിൽ നിന്നും മാധവൻപടിയിലെത്തി വടവാതൂർ മിൽമ ജംഗ്ഷനിൽ നിന്നും മോസ്‌കോ ജംഗ്ഷൻ വഴി തിരുവഞ്ചൂർ കുരിശുപള്ളി ജംഗ്ഷനിലെത്തി തിരിഞ്ഞുപോകണം.

പുതുപ്പള്ളിയിൽ നിന്നും പള്ളിയിലേക്ക് വരുന്ന വാഹനങ്ങൾ തലപ്പാടി ജംഗ്ഷനിൽ നിന്നും മാധവൻ പടിയിലെത്തി പഴയ കെ.കെ റോഡ് എത്തി കിഴക്കേടത്ത് പടി കാവുംപടി വഴി പള്ളിയിലേക്ക് പോകണം.

പാമ്പാടിയിൽ നിന്നും പള്ളി ഭാഗത്തേക്ക് വരുന്ന വാഹനങ്ങൾ കുറ്റിയക്കുന്നിലെത്തി കിഴക്കേടത്ത് പടി കാവുംപടി വഴി പള്ളിയിലേക്ക് പോകണം.