അന്ത്യാളം: പള്ളിയിൽ ഇടവക മദ്ധ്യസ്ഥനായ വിശുദ്ധ മത്തായി ശ്ലീഹായുടെ തിരുനാളും മത്തായി നാമധാരികളുടെ സംഗമവും 21ന് നടത്തും. തിരുനാളിന് ഒരുക്കമായി വൈകുന്നേരം അഞ്ചിന് വിശുദ്ധ കുർബാനയും നൊവേനയും ലദീഞ്ഞും സന്ദേശവും ഉണ്ടായിരിക്കും. 14ന് രാവിലെ 6.45നും 9.30നുമാണ് തിരുക്കർമ്മങ്ങൾ.

19ന് വൈകുന്നേരം 4.30ന് കൊടിയേറ്റ്. അഞ്ചിന് വിശുദ്ധ കുർബാന, നൊവേന, സന്ദേശം കർദിനാൾ മാർ ജോർജ് ആലഞ്ചേരി. രാത്രി ഏഴിന് മെഗാഷോ മെന്റലിസ്റ്റ് നിപിൻ നിരവത്ത്. 20ന് വൈകുന്നേരം അഞ്ചിന് വിശുദ്ധ കുർബാന, സന്ദേശം മാർ ജേക്കബ് മുരിക്കൻ. 6.45ന് ജപമാല പ്രദക്ഷിണം. 7.30ന് ലൈറ്റ് ഷോ. എട്ടിന് സ്‌നേഹവിരുന്ന്. പ്രധാന തിരുനാൾ ദിനമായ 21ന് രാവിലെ ഏഴിന് വിശുദ്ധ കുർബാന. മൂന്നിന് കുട്ടികളെ തൂവൽ കൊണ്ട് എഴുത്തിനിരുത്ത്, 3.30ന് മത്തായി നാമധാരികളുടെ സംഗമം. നാലിന് വിശുദ്ധ കുർബാനമാർ ജോസഫ് കല്ലറങ്ങാട്ട്. ആറിന് പ്രദക്ഷിണം. 7ന് ഗാനമേള. വിവിധ ദിവസങ്ങളിലെ തിരുക്കർമ്മൾക്ക് ഫാ. കുര്യൻ കൊച്ചെട്ടൊന്നിൽ, ഫാ.കുര്യാക്കോസ് പുന്നോലിൽ, ഫാ.മാത്യു കദളിക്കാട്ടിൽ, ഫാ.ജോസഫ് താഴത്തുവരിക്കയിൽ, ഫാ.മാത്യു അമ്മോട്ടുകുന്നേൽ, ഫാ.മാത്യു കവളംമാക്കൽ, ഫാ.മാത്യു വെണ്ണായിപ്പള്ളിൽ, ഫാ.മാത്യു പുല്ലുകാലായിൽ എന്നിവർ കാർമ്മികത്വം വഹിക്കും. മത്തായി നാമധാരികളുടെ സംഗമത്തിൽ പങ്കെടുക്കാൻ ആഗ്രഹിക്കുന്നവർ 9447067779,6282156412 എന്നീ ഫോൺ നമ്പരുകളിൽ ബന്ധപ്പെടണം.