പാലാ: ദളിത് വിഭാഗങ്ങൾ അനുഭവിക്കുന്ന വിഷമങ്ങൾ ഗവൺമെന്റിന്റെ ശ്രദ്ധയിൽ കൊണ്ടുവരുമെന്ന് മന്ത്രി റോഷി അഗസ്റ്റിൻ പറഞ്ഞു. ദളിത് ഫ്രണ്ട് (എം) ജില്ലാ കമ്മിറ്റിയുടെ ആഭിമുഖ്യത്തിൽ നടത്തിയ അയ്യങ്കാളി ജയന്തി ആഘോഷം പാലായിൽ ഉദ്ഘാടനം ചെയ്യുകയിരുന്നു.അദ്ദേഹം. എസ്.സി എസ്.ടി വിഭാഗങ്ങളുടെ മുടങ്ങിക്കിടക്കുന്ന സ്‌കോളർഷിപ്പുകൾ ഉൾപ്പടെയുള്ള വിഷയങ്ങൾ ശ്രദ്ധയിൽപ്പെടുത്തുമെന്നും മന്ത്രി ഉറപ്പ് നൽകി. വിവിധ മേഖലകളിൽ കഴിവ് തെളിയിച്ച അംഗങ്ങൾക്ക് ഉപഹാരങ്ങൾ വിതരണം ചെയ്തു. ജില്ലാ പ്രസിഡന്റ് രാമചന്ദ്രൻ അള്ളുംപുറം അദ്ധ്യക്ഷത വഹിച്ചു. രാജേഷ് ഏബ്രഹാം മുഖ്യപ്രഭാഷണം നടത്തി. അഡ്വ. ജോസ് ടോം. ജോസഫ് ചാമക്കാലാ,ഷാജി പാമ്പൂരി,രാജുകുഴിവേലി, ടോബിൻ കെ. അലക്‌സ്, ഔസേപ്പച്ചൻ വാളിപ്ലാക്കൽ, സിബി അഗസ്റ്റിൻ കട്ടകത്ത്, പി.എം മാത്യു, കെ.പി. പീറ്റർ, മഞ്ജു ബിജു, സനിൽ ചോക്കാട്ടുപറമ്പിൽ, മധു വാകത്താനം,കെ.കെ ബാബു, വി.വി സോമൻ, സണ്ണി കുറ്റിവേലി, ശ്രീകുമാർ പറത്താനം, ലാലു മലയിൽ, ഏലമ്മ വർക്കി എന്നിവർ പ്രസംഗിച്ചു.