കുമരകം: കേരള സർക്കാർ ആയുഷ് വകുപ്പും, നാഷണൽ ആയുഷ് മിഷൻ കേരളയും ചേർന്ന് 18,19 തീയതികളിൽ ആയുഷ് മേഖലയിലെ ഐ.ടി അധിഷ്ഠിത സേവനങ്ങളെക്കുറിച്ച് ശില്പശാല നടത്തും. കുമരകം കെ.ടി.ഡി.സി വാട്ടർ സ്‌കേപ്സിൽ 18 ന് രാവിലെ 9 ന് മന്ത്രി വീണാ ജോർജ് ഓൺലൈനായി ഉദ്ഘാടനം ചെയ്യും. അഡീഷണൽ ചീഫ് സെക്രട്ടറി ഡോ. രാജൻ എൻ. ഖോബ്രഗഡെ അദ്ധ്യക്ഷത വഹിക്കും. പഞ്ചാബ് ആരോഗ്യവകുപ്പ് മന്ത്രി ഡോ. ബൽബീർ സിംഗ്, ആയുഷ് വകുപ്പ് സെക്രട്ടറി വൈദ്യ രാജേഷ് കൊട്ടേച്ച, ജോയിന്റ് സെക്രട്ടറി ഡോ. കവിത ജെയിൻ, വിവിധ സംസ്ഥാനങ്ങളിലെ പ്രിൻസിപ്പൽ സെക്രട്ടറിമാർ, ജില്ലാ കളക്ടർ ചേതൻ കുമാർ മീണ, ആയുഷ് വകുപ്പ് ഉപദേശകൻ ഡോ. എ. രഘു, ഹോമിയോപ്പതി വകുപ്പ് ഡയറക്ടർ ഡോ. എം.പി. ബീന, ആയുർവേദ മെഡിക്കൽ വിദ്യാഭ്യാസ ഡയറക്ടർ ഡോ. ടി.ഡി. ശ്രീകുമാർ, ഹോമിയോപ്പതി മെഡിക്കൽ വിദ്യാഭ്യാസ വകുപ്പ് പ്രിൻസിപ്പൽ ആൻഡ് കൺട്രോളിംഗ് ഓഫീസർ ഡോ. ടി.കെ. വിജയൻ, ഭാരതീയ ചികിത്സാ വകുപ്പ് ഡയറക്ടർ ഡോ. കെ.എസ്. പ്രിയ എന്നിവർ പങ്കെടുക്കും.