കുമരകം : കുമരകം കലാഭവന്റെ ആഭിമുഖ്യത്തിൽ 30, 1 , 2 തീയതികളിൽ കുമരകം ഗവ.എച്ച് എസ്.എസ് യു.പി സ്കൂൾ ഹാളിൽ സംഘടിപ്പിക്കുന്ന നവരാത്രി മഹോത്സവത്തിന്റെ പ്രവർത്തനോദ്ഘാടനം നാളെ വൈകിട്ട് 5 ന് കലാഭവൻ ഹാളിൽ നടക്കും. കുമരകം ഗ്രാമപഞ്ചായത്ത് മുൻ വൈസ് പ്രസിഡന്റ് വി.കെ.ജോഷി ഉദ്ഘാടനം നിർവഹിക്കും. കലാഭവൻ പ്രസിഡന്റ് എം.എൻ.ഗോപാലൻ തന്ത്രി അദ്ധ്യക്ഷത വഹിക്കും. കെ.എസ് രാജേഷ് കദളിക്കാട്ടുമാലി ആദ്യസംഭാവന നൽകും. കലാഭവൻ സെക്രട്ടറി എസ്.ഡി.പ്രേംജി, വർക്കിംഗ് പ്രസിഡന്റ് റ്റി.കെ. ലാൽ ജ്യോത്സ്യർ, ജോ. സെക്രട്ടറി പി.കെ അനിൽകുമാർ എന്നിവർ സംസാരിക്കും.