കോട്ടയം: മുട്ടമ്പലം കൊപ്രത്ത് ശ്രീദുർഗാ ഭഗവതി ക്ഷേത്രത്തിൽ ബൊമ്മക്കൊലു സമർപ്പണം ദീപപ്രകാശനം എം.എസ് ദീലീപ് നിർവ്വഹിച്ചു. 29ന് പൂജവയ്പ് ദിനത്തിൽ വൈകിട്ട് 6.30 ന് പൊതിയിൽ നാരായണ ചാക്യാരുടെ പാഠകം. 30ന് ദുർഗ്ഗാഷ്ടമി ദിനത്തിൽ വൈകിട്ട് 6.30ന് ലളിതാസഹസ്രനാമ മാഹാത്മ്യ പ്രഭാഷണം രാജ ശ്രീകുമാര വർമ്മ നിർവ്വഹിക്കും.
ഒക്ടോബർ 1ന് വൈകിട്ട് 6.30ന് ദേവീ മഹാത്മ്യ പ്രഭാഷണം മോഹൻദാസ് കാഞ്ഞിരക്കാട്ട്. ഒക്ടോബർ 2ന് രാവിലെ 8 മുതൽ ശ്രീലക്ഷ്മി നീണ്ടൂരിന്റെ വയലിൻ കച്ചേരി. മൃദംഗം കോട്ടയം രഞ്ജിത്ത്. തുടർന്ന്, 9ന് ബാലഗോകുലം ദക്ഷിണ മേഖല അദ്ധ്യക്ഷൻ പ്രൊഫ.ഉണ്ണികൃഷ്ണൻ കുട്ടികളെ എഴുത്തിന് ഇരുത്തും.