കോട്ടയം: സംസ്ഥാനത്തെ ഹൈസ്‌കൂൾ അദ്ധ്യാപകർക്ക് ബാലാവകാശ കമ്മിഷൻ നൽകുന്ന രണ്ടാംഘട്ട ഏകദിന പരിശീലനത്തിന്റെ ജില്ലാതല ഉദ്ഘാടനം ഏറ്റുമാനൂർ ചൈതന്യ പാസ്റ്ററൽ സെന്ററിൽ ഇന്ന് രാവിലെ 10ന് കമ്മിഷൻ അംഗം കെ.കെ.ഷാജു കോട്ടയം നിർവഹിക്കും.
ഒക്ടോബർ ആറിന് അവസാനിക്കുന്ന രണ്ടാംഘട്ട പരിശീലനം ഇടുക്കി, എറണാകുളം, ആലപ്പുഴ, കോട്ടയം, പത്തനംതിട്ട, കൊല്ലം, തിരുവനന്തപുരം ജില്ലകളിലെ അദ്ധ്യാപകർക്കാണ് നൽകുന്നത്. കുട്ടികളുടെ അവകാശങ്ങൾ, മാനസികാരോഗ്യം, ആർട്ടിഫിഷ്യൽ ഇന്റലിജൻസ്, സൈബർ സുരക്ഷ തുടങ്ങിയ വിഷയങ്ങളിൽ വിദഗ്ധർ പരിശീലനം നൽകും. ഒന്നാം ഘട്ടം കോഴിക്കോട്, കാസർകോട്, കണ്ണൂർ, മലപ്പുറം, വയനാട്, പാലക്കാട്, തൃശൂർ ജില്ലകളിൽ ആഗസ്റ്റ് 11 മുതൽ 20 വരെ സംഘടിപ്പിച്ചിരുന്നു.