വ്യവസായ മന്ത്രി പി. രാജീവ് ഉദ്ഘാടനം ചെയ്യും

കൊച്ചി: മൂന്ന് ദിവസം. വൻകിട കമ്പനികളുടേതടക്കം 230 സ്റ്റാളുകൾ. 7ാമത് മെഷീനറി എക്‌സ്‌പോ 2025ന് ശനിയാഴ്ച കാക്കനാട് കിൻഫ്ര ഇന്റർനാഷണൽ എക്‌സിബിഷൻ സെന്ററിൽ തുടക്കമാകും. ഗുജറാത്ത്, മഹാരാഷ്ട്ര, തമിഴ്‌നാട്, കർണാടക എന്നീ സംസ്ഥാനങ്ങളിലെ മെഷിനറി നിർമ്മാണ കമ്പനികളടക്കം ഭാഗമാകും. ഇടനിലക്കാരില്ലാതെ സംരംഭകർക്ക് ഉടമകളിൽ നിന്ന് യന്ത്രസാമഗ്രികൾ നേരിട്ട് സ്വന്തമാക്കാം.

20ന് രാവിലെ 10.30ന് വ്യവസായ മന്ത്രി പി. രാജീവ് ഉദ്ഘാടനം ചെയ്യും. എറണാകുളം ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ, വ്യവസായ വകുപ്പ് പ്രിൻസിപ്പൽ സെക്രട്ടറി എ.പി.എം മുഹമ്മദ് ഹനീഷ്, വ്യവസായ വകുപ്പ് ഡയറക്ടർ വിഷ്ണുരാജ്, കളക്ടർ ജി. പ്രിയങ്ക, കേന്ദ്ര എം.എസ്.എം.ഇ മന്ത്രാലയം ഡെവലപ്‌മെന്റ് കമ്മിഷണർ ഡോ. രജനീഷ്, എറണാകുളം ജില്ലാ വ്യവസായ കേന്ദ്രം ജനറൽ മാനേജർ നജീബ് പി.എ എന്നിവർ സന്നിഹിതരാകും.

പോയവർഷം 173 സ്റ്റാളുകളാണ് ഉണ്ടായിരുന്നത്. ഇതിൽ നിന്നും വലിയ ഉയർച്ചയോടെയാണ് ഏഴാം പതിപ്പ് ഒരുക്കിയിട്ടുള്ളത്

പി.എ നജീബ്

ജനറൽ മാനേജർ

ജില്ലാ വ്യവസായ കേന്ദ്രം