തൃശൂർ: തൃശൂരിൽ മലദ്വാരത്തിനുള്ളിൽ മെത്താഫിറ്റമിൻ ഒളിപ്പിച്ചു കടത്തിയ യുവാവ് പിടിയിൽ. എറണാകുളം കടുങ്ങല്ലൂർ സ്വദേശി റിച്ചു റഹ്മാൻ (34)​ പിടിയിലായത്. ബംഗളുരുവിലെ ആഫ്രിക്കൻ വംശജരായ ആളുകളിൽ നിന്ന് മെത്തഫെറ്റമിൻ,​ എം.ഡി.എം,​എ തുടങ്ങിയ രാസലഹരികൾ മലദ്വാരത്തിനുള്ളിൽ വച്ച് സ്ഥിരമായി കടത്തിക്കൊണ്ടു വന്നിരുന്ന ആളാണ് പ്രതിയെന്ന് പൊലീസ് അറിയിച്ചു.

തൃശ്ശൂർ റേഞ്ച് എക്‌സൈസ് ഇൻസ്‌പെക്ടർ കെ.കെ. സുധീർ, കമ്മീഷണർ സ്‌ക്വാഡ് എക്‌സൈസ് ഇൻസ്‌പെക്ടർ ഹരീഷ് സിയു എന്നിവരുടെ നേതൃത്വത്തിലാണ് പ്രതിയെ പിടികൂടിയത്. തൃശ്ശൂർ റെയിൽവെ സ്‌റ്റേഷൻ പരിസരത്തു നിന്നും രഹസ്യ വിവരത്തിന്റെ അടിസ്ഥാനത്തിലാണ് ഇയാളെ അറസ്റ്റ് ചെയ്തത്. പ്രതിയെ തൃശ്ശൂർ ജില്ല ആശുപത്രിയിൽ എത്തിച്ച് നടത്തിയ എക്സ്റേ പരിശോധനയിൽ മലദ്വാരത്തിൽ മയക്കുമരുന്ന് ഒളിപ്പിച്ചതായി കണ്ടെത്തുകയായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.