തിരുവനന്തപുരം: ഭിന്നശേഷിക്കാര്‍ക്ക് അടിയന്തിര ഘട്ടങ്ങളില്‍ ചികിത്സ, ആംബുലന്‍സ് സൗകര്യം, ഉപേക്ഷിക്കപ്പെട്ട നിലയില്‍ കണ്ടെത്തുന്ന അംഗപരിമിതരെ പുനരധിവാസ കേന്ദ്രങ്ങളില്‍ എത്തിക്കുക, ശസ്ത്രക്രിയ, മരുന്ന്, വിവിധ മെഡിക്കല്‍ ടെസ്റ്റ് എന്നിവയ്ക്ക് ചെലവാകുന്ന തുക മാറി നല്‍കുന്ന പരിരക്ഷ പദ്ധതിയിലേക്ക് അപേക്ഷ ക്ഷണിച്ചു.
താത്പര്യമുള്ളവര്‍ വെള്ളപ്പേപ്പറില്‍ തയാറാക്കിയ അപേക്ഷ, ഡോക്ടറുടെ സാക്ഷ്യപത്രം, ഒറിജിനല്‍ മെഡിക്കല്‍ ബില്‍ എന്നിവ സഹിതം പൂജപ്പുര ജില്ലാ സാമൂഹ്യനീതി ഓഫീസില്‍ സമര്‍പ്പിക്കണം. കൂടുതല്‍ വിവരങ്ങള്‍ക്ക് ഫോൺ: 04712343241.
മാതൃജ്യോതി പദ്ധതിയിലേക്ക്
60 ശതമാനത്തില്‍ കൂടുതല്‍ ഭിന്നശേഷിയുള്ള മാതാവിന് പ്രസവാനന്തരം കുട്ടിയെ പരിചരിക്കുന്നതിന് രണ്ടു വര്‍ഷത്തേക്ക് ധനസഹായം അനുവദിക്കുന്ന മാതൃജ്യോതി പദ്ധതിയിലേക്ക് അപേക്ഷ ക്ഷണിച്ചു. അപേക്ഷകള്‍ സാമൂഹ്യനീതി വകുപ്പിന്റെ പോര്‍ട്ടല്‍ വഴി ( suneethi.sjd.kerala.gov.in ) സമര്‍പ്പിക്കാവുന്നതാണ്.
കൂടുതല്‍ വിവരങ്ങള്‍ക്ക് 04712343241