വടക്കഞ്ചേരി: ബൈക്കിൽ പിക്കപ്പ് വാനിടിച്ച് വടക്കഞ്ചേരി എസ്.ബി.ഐ ബ്രാഞ്ച് മാനേജർ ഒറ്റപ്പാലം പാലാട്ട് റോഡിൽ കുന്നത്ത് വീട്ടിൽ കൃഷ്ണദാദാസ്(32) മരിച്ചു. ഒപ്പമുണ്ടായിരുന്ന അച്ഛൻ രാജശേഖരന് പരിക്കേറ്റു. ബുധനാഴ്ച രാത്രി ഏഴരയോടെ വടക്കഞ്ചേരി ടൗണിൽ എച്ച്.ഡി.എഫ്.സി ബാങ്കിന്റെ മുന്നിൽ ആയിരുന്നു അപകടം. എതിർ ദിശയിൽ മറ്റൊരു വാഹനത്തെ മറികടന്ന് അമിത വേഗത്തിൽ വന്ന പിക്കപ്പ് ഇവർ സഞ്ചരിച്ച ബൈക്കിൽ ഇടിക്കുകയായിരുന്നു. കൃഷ്ണദാസ് സംഭവസ്ഥലത്ത് വച്ച് മരിച്ചു.