ചെറുകോൽ: ചെറുകോൽ ശ്രീനാരായണ ഗുരുധർമ്മാനന്ദ ഗുരുകുലവും ധർമ്മാനന്ദാശ്രമവും സംയുക്തമായി ധർമ്മാശ്രമ സ്ഥാപകൻ ഗുരുധർമ്മാനന്ദ സ്വാമിയുടെ 116-ാമത് വിശാഖം ജന്മനക്ഷത്രം ആഘോഷ സമ്മേളനം മാന്നാർ എസ്.എൻ.ഡി.പി യൂണിയൻ കൺവീനർ അനിൽ പി.ശ്രീരംഗം നിർവഹിച്ചു. ചെറുകോൽ ഗുരുധർമ്മാനന്ദ ഗുരുകുലത്തിൽ നടന്ന ചടങ്ങിൽ സമിതി പ്രസിഡന്റ് വിദ്യാധരൻ.എസ് അദ്ധ്യക്ഷത വഹിച്ചു. ഗുരുധർമ്മപ്രചാരകൻ ശശികുമാർ പത്തിയൂർ മുഖ്യപ്രഭാഷണവും,​ അഡ്വ.പ്രകാശ് മാത്താണിയിൽ അനുഗ്രഹ പ്രഭാഷണവും നടത്തി. ഗുരുകുല ആചാര്യൻ സുന്ദരേശൻ സ്വാമി സ്‌കോളർഷിപ്പ് വിതരണവും,​ ഗ്രാമപഞ്ചായത്തംഗം ഗോപൻ ചെന്നിത്തല തിരുനാൾ സന്ദേശവും നൽകി. അഡ്വ.റെജി ആശംസ പ്രസംഗം നടത്തി. ഗുരുകുലസമിതി ജനറൽ സെക്രട്ടറി ഹരീഷ് സ്വാഗതവും,​ വൈസ് പ്രസിഡന്റ് കരുണാകരൻകെ.കൃതജ്ഞതയും പറഞ്ഞു. രാവിലെ 7ന് ഗുരുകുല ആചാര്യൻ ഗംഗാധരൻ സ്വാമി പതാക ഉയർത്തി. വിശേഷാൽ പൂജകൾ, രഥയാത്ര എന്നിവ ആഘോഷങ്ങളുടെ ഭാഗമായി നടന്നു.