ചെങ്ങന്നൂർ: കാരയ്ക്കാട് സാംസ്കാരിക വേദിയുടെ(കസവ് ) നാട്ടുത്സവം മന്ത്രി പി പ്രസാദ് ഉദ്ഘാടനം ചെയ്തു. സമ്മേളനത്തിൽ

പ്രഥമ കസവ് പുരസ്കാരംമന്ത്രി സജി ചെറിയാന് മന്ത്രി പി പ്രസാദ് നൽകി. 20,000 രൂപയും ഫലകവും പ്രശസ്തി പത്രവും അടങ്ങുന്നതാണ് പുരസ്കാരം. സാന്ത്വന പരിചരണ, ജീവകാരുണ്യ പ്രവർത്തനങ്ങളിലെ സംഭാവനകൾ പരിഗണിച്ചാണ് പുരസ്കാരം. യോഗത്തിൽ കൃഷ്ണകുമാർ കാരയ്ക്കാട് അദ്ധ്യക്ഷത വഹിച്ചു.എഴുത്തുകാരൻ ബന്യാമിൻ മുഖ്യപ്രഭാഷണം നടത്തി. ഫോക് ലോർ അക്കാദമി ചെയർമാർ ഒ.എസ്.ഉണ്ണിക്കൃഷ്ണൻ നാടൻ കലകളുടെ പരിശീലനം ഉദ്ഘാടനം ചെയ്തു.വിവിധ കലാപരിപാടികളും ചിത്രകരകൗശല ഉൽപ്പന്നങ്ങളുടെ പ്രദർശനവും നടന്നു. നാട്ടുത്സവം ജനറൽ കൺവീനർ വി.ആർ സതീഷ് കുമാർ ആമുഖ പ്രഭാഷണം നടത്തി. കസവ് സെക്രട്ടറി കെ.ശ്രീരാജ്,മുളക്കുഴ പഞ്ചായത്ത് പ്രസിഡന്റ് കെ.കെ സദാനന്ദൻ, വൈസ് പ്രസിഡന്റ് രമാ മോഹൻ, കെ പുഷ്പകുമാരി, ടി.അനു, ഗ്രന്ഥ ശാലകൗൺസിൽ താലൂക്ക് സെക്രട്ടറി പി. ആർ.വിജയകുമാർ, വിദ്യാ വിലാസിനി ഗ്രന്ഥശാല പ്രസിഡൻ്റ് പി.വിജയ ചന്ദ്രൻ, ഷജീവ് കെ.നാരായണൻ,ടി.കെ ഇന്ദ്രജിത്ത് ,സുമ ഹരികുമാർ, ഷീല ജയൻ, റോയി ടി മാത്യു, എന്നിവർ സംസാരിച്ചു.

.