ചെങ്ങന്നൂർ: നഗരസഭാ 23ാം വാർഡ് കുടുംബശ്രീ എഡി.എസ്, വാർഡ് തല കമ്മിറ്റി എന്നിവയുടെ സംയുക്താഭിമുഖ്യത്തിൽ കല്ലുവരമ്പ് വൈസ്‌മെൻസ് ക്ലബ് ഹാളിൽ ഓണാഘോഷം നടത്തി. നഗരസഭാ വൈസ് ചെയർമാൻ കെ.ഷിബുരാജൻ ഓണാഘോഷം ഉദ്ഘാടനം ചെയ്തു. കുടുംബശ്രീ എഡിഎസ് പ്രസിഡന്റ് ടി.കെ.പുഷ്പ അദ്ധ്യക്ഷത വഹിച്ചു. മിനി സജൻ, ടി.കുമാരി, കൗൺസിലർ ഗോപു പുത്തൻമഠത്തിൽ, നഗരസഭ സീനിയർ പബ്ലിക് ഹെൽത്ത് ഇൻസ്‌പെക്ടർ സി.നിഷ, മീഡിയ സെന്റർ ട്രഷറർ സാം കെ.ചാക്കോ, ആശാ പ്രവർത്തക രമണി വിഷ്ണു, പി.മാല, ശാന്തമ്മ ചന്ദ്രൻ , ഷീല രാമചന്ദ്രൻ, വി.വിനു, എന്നിവർ പ്രസംഗിച്ചു. വിവിധ കലാപരിപാടികളും ഓണസദ്യയും നടന്നു.