കോഴഞ്ചേരി: എസ്.എൻ.ഡി.പി.യോഗം കോഴഞ്ചേരി യൂണിയന്റെ നേതൃത്വത്തിൽ 30ശാഖകളുടെയും വനിതാസംഘം, യൂത്ത് മൂവ്‌മെന്റ്, മൈക്രോഫിനാൻസ്, സൈബർസേന, വൈദികയോഗം യൂണിറ്റുകളുടെയും കുടുംബ യൂണിറ്റുകളുടെയും സംയുക്താഭിമുഖ്യത്തിൽ 171-ാമത് ഗുരുദേവ ജയന്തി ആഘോഷം നടക്കും. ഇന്ന് ഉച്ചയ്ക്ക് 2.30ന് മാരാമൺ തോട്ടപ്പുഴശേരി ഗ്രാമപഞ്ചായത്ത് ഓഫീസിന് മുന്നിൽ നിന്നും ആരംഭിക്കുന്ന ഘോഷയാത്ര ടൗൺ ചുറ്റി തെക്കേമല ഡി.സുരേന്ദ്രൻ സ്മാരക ഹാളിൽ സമാപിക്കും. തുടർന്നു നടക്കുന്ന പൊതുസമ്മേളനം മന്ത്രി വീണാജോർജ് ഉദ്ഘാടനം ചെയ്യും. യൂണിയൻ പ്രസിഡന്റും സെക്രട്ടറി ഇൻചാർജുമായ മോഹൻ ബാബു അദ്ധ്യക്ഷത വഹിക്കും. യോഗം ഇൻസ്‌പെക്ടിംഗ് ഓഫീസർ രവീന്ദ്രൻ എഴുമറ്റൂർ മുഖ്യ പ്രഭാഷണം നടത്തും. നിയുക്ത യോഗം ഡയറക്ടർ ബോർഡ് അംഗം രാകേഷ്.പി.ആർ, യൂണിയൻ കൗൺസിലർമാരായ സുഗതൻ പൂവത്തൂർ, രാജൻ കുഴിക്കാല, പ്രേംകുമാർ, സിന്ധു.എസ്.പണിക്കർ, വനിതാസംഘം പ്രസിഡന്റ് വിനീതാ അനിൽ, സെക്രട്ടറി ബാംബീ രവീന്ദ്രൻ, യൂത്ത് മൂവ് മെന്റ് രക്ഷാധികാരി സോജൻ സോമൻ, യൂത്ത് മൂവ്‌മെന്റ് യൂണിയൻ പ്രസിഡന്റ് അരുൺദാസ്, സെക്രട്ടറി അഖിൽ ചെറുകോൽ, സൈബർസേന യൂണിയൻ ചെയർമാൻ ജുതിൻ കുമാർ എന്നിവർ പ്രസംഗിക്കും. യൂണിയൻ വൈസ് പ്രസിഡന്റ് വിജയൻ കാക്കനാട്ടിൽ സ്വാഗതവും യൂണിയൻ കൗൺസിലർ അഡ്വ.സോണി.പി.ഭാസ്‌ക്കർ നന്ദിയും പറയും.