പ്രമാടം : എസ്.എൻ.ഡി.പി യോഗം 361-ാം പ്രമാടം ശാഖാ ഗുരുമന്ദിരത്തിലെ 36-ാമത് ശ്രീനാരായണ ഗുരുദേവ പ്രതിഷ്ഠാ വാർഷികം ഇന്ന് നടക്കും. രാവിലെ ആറിന് ഗുരുപൂജ, എട്ടിന് ഭാഗവതപാരായണം, ഒൻപതിന് അത്തപ്പൂവിടൽ, വൈകിട്ട് 6.15ന് വിശേഷാൽ ദീപാരാധന, 6.30ന് പൊതുസമ്മേളനം യൂണിയൻ പ്രസിഡന്റ് കെ.പത്മകുമാർ ഉദ്ഘാടനം ചെയ്യും. ശാഖാ പ്രസിഡന്റ് കെ.രഞ്ജിത്ത് അദ്ധ്യക്ഷത വഹിക്കും. പത്തനംതിട്ട ഡി.വൈ.എസ്.പി എസ്. ന്യൂമാൻ മുഖ്യാതിഥിയായിരിക്കും. യൂണിയൻ സെക്രട്ടറി ഡി.അനിൽ കുമാർ, യോഗം അസി.സെക്രട്ടറി ടി.പി.സുന്ദരേശൻ എന്നിവർ മുഖ്യപ്രഭാഷണം നടത്തും. കോന്നി എസ്. എ.എസ് എസ്.എൻ.ഡി.പി യോഗം കോളേജ് പ്രിൻസിപ്പൽ ഡോ.ബി.എസ്. കിഷോർ കുമാർ വിദ്യാഭ്യാസ എൻഡോവ്മെന്റുകളും സ്കോളർഷിപ്പുകളും വിതരണം ചെയ്യും. വനിതാ സംഘം യൂണിയൻ പ്രസിഡന്റ് ഷീല രവി,സെക്രട്ടറി സരളാ പുരുഷോത്തമൻ, യൂത്ത്മൂവ്മെന്റ് യൂണിയൻ ചെയർമാൻ ഗോകുൽ കൃഷ്ണ, ശാഖാ സെക്രട്ടറി എം.ടി.സജി, വൈസ് പ്രസിഡന്റ് സി.ആർ. യശോധരൻ, യൂണിയൻ കമ്മിറ്റി അംഗം ഡി.പ്രദീപ് കുമാർ, വനിതാസംഘം ശാഖാ പ്രസിഡന്റ് ശാന്തമ്മ തങ്കപ്പൻ, സെക്രട്ടറി കെ.എസ്. ഓമനക്കുട്ടി, യൂത്ത് മൂവ് മെന്റ് പ്രസിഡന്റ് അക്ഷയ് ജയസിംഗ്, സെക്രട്ടറി അരുൺ ശശിധരൻ, ശാഖാ കമ്മിറ്റി അംഗങ്ങളായ പി.കെ. സുരേഷ് കുമാർ, കെ. ശിവദാസൻ, കെ. ശശി, ഉത്തമൻ, എൻ. അജി എന്നിവർ പ്രസംഗിക്കും.