ചെങ്ങന്നൂർ : ഇറപ്പുഴ നേട്ടയത്തിൽ നടന്ന ജലോത്സവം മന്ത്രി സജി ചെറിയാൻ ഉദ്ഘാടനം ചെയ്തു. ചതയം ജലോത്സവ സമിതി ചെയർമാൻ എം.വി ഗോപകുമാർ ആദ്യക്ഷത വഹിച്ചു.ജനറൽ കൺവീനർ മുരുകൻ സ്വാഗതവും ഔഷധി ചെയർപേഴ്സൺ ശോഭന ജോർജ് മുഖ്യ പ്രഭാഷണം നടത്തി. ഫോക് ലോർ അക്കാദമി ചെയർമാൻ ഒ.എസ് ഉണ്ണികൃഷ്ണൻ, സമ്മാനദാനം നിർവഹിച്ചു .മുൻസിപ്പൽ ചെയർപേഴ്സൺ ശോഭാ വർഗീസ്, മുൻസിപ്പൽ വൈസ് ചെയർമാൻ കെ. ഷിബുരാജ്, പാണ്ടനാട് പഞ്ചായത്ത്‌ പ്രസിഡന്റ് അമ്മാളുക്കുട്ടി സണ്ണി, തിരുവന്മണ്ടൂർ പഞ്ചായത്ത്‌ പ്രസിഡന്റ് സജൻ, സന്ദീപ് വചസ്പതി, എബി കുര്യാക്കോസ്, പള്ളിയോട സേവാ സംഘം മുൻ പ്രസിഡന്റ് കൃഷ്ണകുമാർ കൃഷ്ണവേണി, ബി.കൃഷ്ണകുമാർ, അജി ആർ.നായർ, സജിത്ത് മംഗലത്ത്‌,പള്ളിയോടസേവാസംഘം ഭാരവാഹികൾ, കൗൺസിലർമാർ, ഗ്രാമ പഞ്ചായത്ത്‌ അംഗങ്ങൾ തുടങ്ങിയവർ പങ്കെടുത്തു. എ ബാച്ചിൽ കീഴ്‌വന്മഴി രണ്ടാം സ്ഥാനവും, ഉമയാറ്റു കര മൂന്നും സ്ഥാനം നേടി. മികച്ച ചമയത്തിനുള്ള ട്രോഫി പ്രയാറും , നേടി. ബി ബാച്ച് ഫൈനലിൽ വന്മഴി രണ്ടും കോടിയാട്ടുകര മികച്ച ചമയത്തിനുള്ള ട്രോഫിയും നേടി.