പന്തളം: വീട്ടുവളപ്പിൽ നിന്നും സൈക്കിളും പണവും മോഷ്ടിച്ച കേസിലെ പ്രതിയെ പന്തളം പൊലീസ് പിടികൂടി. കൊല്ലം കരിക്കോട് കുറ്റിച്ചിറ അമരവിള വീട്ടിൽ സാമ്പാർ എന്നു വിളിക്കുന്ന അൻസാർ (43) ആണ് അറസ്റ്റിലായത്. പൂഴിക്കാട് ശാസ്താംവിള തോപ്പിന്റെ പടീറ്റതിൽ വീട്ടിൽ ബഷീർ റാവുത്തറുടെ 15000 രൂപ വില വരുന്ന ഹീറോ സൈക്കിളും വീടിന്റെ സിറ്റൗട്ടിലെ സ്റ്റീൽ കൈവരിയിൽ തൂക്കിയിട്ടിരുന്ന ഷർട്ടിന്റെ പോക്കറ്റിൽ ഉണ്ടായിരുന്ന 3800 രൂപയും പ്രതി കവർന്നെടുത്തതായാണ് കേസ്. 7ന് പുലർച്ചെ 12.15നാണ് സംഭവം. പരാതിയെ തുടർന്ന് 7ന് രാത്രി 8ന് പന്തളം പാലത്തടം ഭാഗത്ത് നിന്നും പ്രതിയെ മോഷ്ടിച്ച സൈക്കിളുമായി കസ്റ്റഡിയിലെടുക്കുകയായിരുന്നു. പ്രതിയെ കോടതിയിൽ ഹാജരാക്കി.