തിരുവല്ല : നെടുമ്പ്രം ഗ്രാമപഞ്ചായത്തിൽ ക്ഷയരോഗികളുടെ ആരോഗ്യവും ക്ഷേമവും മെച്ചപ്പെടുത്താനുള്ള പദ്ധതിയുടെ ഭാഗമായി പോഷകാഹാര കിറ്റുകൾ വിതരണം ചെയ്തു. പുളിക്കീഴ് ബ്ലോക്ക് പഞ്ചായത്ത് പരിധിയിൽ ആദ്യമായി ആരംഭിച്ച പദ്ധതിയുടെ ഉദ്ഘാടനം പഞ്ചായത്ത് പ്രസിഡന്റ് റ്റി.പ്രസന്നകുമാരി നിർവഹിച്ചു. വാർഡ് മെമ്പർ വൈശാഖ് പി, സെക്രട്ടറി ശാന്തകുമാർ, അസിസ്റ്റന്റ് സെക്രട്ടറി, മെഡിക്കൽ ആഫീസർ ഡോ.ജൂലി ജോർജ് എന്നിവർ സംസാരിച്ചു.