തിരുവല്ല : ശ്രീനാരായണ ഗുരുദേവന്റെ 98-ാമത് മഹാസമാധി ഇന്ന് എസ്.എൻ.ഡി.പി.യോഗം തിരുവല്ല യൂണിയനിലെ 48 ശാഖകളുടെയും വിവിധ ശ്രീനാരായണ പ്രസ്ഥാനങ്ങളുടെയും ആഭിമുഖ്യത്തിൽ ഭക്തിനിർഭരമായ ചടങ്ങുകളോടെ ആചരിക്കും. രാവിലെ മുതൽ ഗണപതിഹോമം, ഗുരുദേവ കൃതികളുടെ പാരായണം,ഗുരുഭാഗവത പാരായണം,ഉപവാസയജ്ഞം, പ്രഭാഷണം, ശാന്തിയാത്ര.ഗുരുപൂജ, ഗുരുപുഷ്പാഞ്ജലി, സമൂഹപ്രാർത്ഥന മഹാസമാധിപൂജ, മംഗളാരതി,കഞ്ഞിവീഴ്ത്തൽ, ഗുരുപൂജ പ്രസാദ വിതരണം എന്നിവ ഉണ്ടായിരിക്കും. എസ്.എൻ.ഡി.പി.യോഗം കടപ്ര നിരണം 313-ാം ശാഖയിലെ ഉപവാസയജ്ഞം യൂണിയൻ അഡ്മിനിസ്ട്രേറ്റർ സന്തോഷ് ശാന്തി ഉദ്ഘാടനം ചെയ്യും.എഴുമറ്റൂർ ശാഖയുടെ ഉപവാസയജ്‌ഞം എസ്എൻ.ഡി.പി യോഗം ഇൻസ്പെക്റ്റിംഗ് ഓഫീസർ എസ്.രവീന്ദ്രൻ എഴുമറ്റൂർ ഉദ്ഘാടനം ചെയ്യും. വിവിധ ശാഖകളിൽ നടക്കുന്ന മഹാസമാധി ചടങ്ങുകളിൽ മേഖലാ ഭാരവാഹികളും, ശാഖാ ഭാരവാഹികളും പോഷകസംഘടന ഭാരവാഹികളും പങ്കെടുക്കും. കുന്നന്താനം ശാഖയുടെ ഗുരുദേവ ക്ഷേത്രത്തിൽ രാവിലെ മുതൽ വിശേഷാൽ പൂജകൾ, ഗണപതിഹോമം, സമൂഹപ്രാർത്ഥന, 10ന് സൂഫി ബോർഡ് സംസ്ഥാന ജനറൽസെക്രട്ടറി പി.എം.സലാം മുസ്ലിയാർ മാന്നാർ, യൂത്ത് മൂവ്മെന്റ് യൂണിയൻ ചെയർമാൻ അനീഷ് ആനന്ദ് എന്നിവർ ഗുരുദേവ പ്രഭാഷണം നടത്തും. രണ്ടിന് സമൂഹപ്രാർത്ഥന, 3.20ന് ദൈവദശകം, മഹാസമാധിപൂജ, ആഞ്ഞിലിത്താനം ഗുരുദേവ പാദുക പ്രതിഷ്ഠാ ക്ഷേത്രത്തിൽ രാവിലെ മുതൽ പ്രാർത്ഥന, ഉപവാസം, ഗുരുദേവകൃതികളുടെ പാരായണം.12.15മുതൽ കുട്ടനാട് ശ്രീനാരായണ ദർശന പഠനകേന്ദ്രത്തിലെ രഞ്ജിനി ബിനു ഗുരുദേവ പ്രഭാഷണം നടത്തും. 3.15ന് സമൂഹപ്രാർത്ഥന, 3.30ന് കഞ്ഞിവീഴ്ത്തൽ എന്നിവയുണ്ടാകും. കുന്നന്താനം ഈസ്റ്റ് ആർ ശങ്കർ മെമ്മോറിയൽ ശാഖയുടെ ഗുരുദേവ ക്ഷേത്രത്തിൽ രാവിലെ ഗുരുപൂജ, ഗുരുപുഷ്‌പാജ്‌ഞലി, 7.30മുതൽ സമൂഹപ്രാർത്ഥന, ഗുരുദേവകൃതികളുടെ പാരായണം, 10മുതൽ എസ്.എൻ.ഡി.പി.യോഗം തിരുവല്ല യൂണിയൻ യൂത്ത് മൂവ്മെന്റ് യൂണിയൻ ചെയർമാൻ അനീഷ് ആനന്ദ് ഗുരുദേവ പ്രഭാഷണം നടത്തും. 2മുതൽ സന്തോഷ് തന്ത്രിയുടെയും സനൽ ശാന്തിയുടെയും മുഖ്യകാർമ്മികത്വത്തിൽ പൂമൂടൽ, 3.15ന് ദൈവദശകം.സമർപ്പണം. 3.30ന് അന്നദാനം. തിരുവല്ല ടൗൺ ശാഖയിലെ ഗുരുദേവ ക്ഷേത്രത്തിൽ രാവിലെ ഗണപതിഹോമം, ഏഴിന് ഗുരുപൂജ, പുഷ്‌പാഞ്ജലി, 9ന് ശാന്തിഹവനം, ഗുരുധർമ്മ പ്രഭാഷണം എന്നിവ നടത്തും. 2മുതൽ 3.15വരെ സമൂഹപ്രാർത്ഥന, മഹാസമാധി പൂജ, 3.30ന് കഞ്ഞിവീഴ്ത്തൽ.