കോന്നി : പുനലൂർ - മൂവാറ്റുപുഴ സംസ്ഥാനപാതയിലെ ഈട്ടിമുട്ടി പടിയിൽ വാൻ നിയന്ത്രണം വിട്ട് കടയിലേക്ക് ഇടിച്ചു കയറി. വാനിന്റെ മുൻപിൽ പോവുകയായിരുന്ന സ്വകാര്യ ബസ് ഈട്ടി മൂട്ടിപടിയിൽ നിറുത്തിയതിനെ തുടർന്ന് ബ്രേക്ക് നഷ്ടപ്പെട്ട വാൻ ബസിൽ ഇടിക്കാതെ റോഡരികിലെ കടയിലേക്ക് ഇടിച്ചു കയറ്റുകയായിരുന്നു. ഇന്നലെ ഉച്ചയ്ക്ക് 2.25 നായിരുന്നു അപകടം. ഇടിയുടെ ആഘാതത്തിൽ കടയുടെ ഭിത്തി തകർന്നിട്ടുണ്ട്. കോന്നി ഭാഗത്ത് നിന്നും കുമ്പഴയിലേക്ക് വരികയായിരുന്നു വാൻ. അപകടത്തിൽ ആർക്കും പരിക്കില്ല.