​ചെങ്ങന്നൂർ: ചെറിയനാട് ജയേശ്വരി ഹൈസ്‌കൂളിലെ വിദ്യാർത്ഥികളുടെ ദീർഘകാലമായുള്ള ആവശ്യം യാഥാർത്ഥ്യമായി. അത്യാധുനിക സൗകര്യങ്ങളോടുകൂടിയ പുതിയ ടോയ്ലെറ്റും സമുച്ചയവും യൂറിനൽസും തുറന്നു നൽകി.​ചെങ്ങന്നൂർ ബ്ലോക്ക് പഞ്ചായത്ത് അനുവദിച്ച 8,63,381 രൂപ ഉപയോഗിച്ചാണ് കെട്ടിടം നിർമ്മിച്ചത്. ​ബ്ലോക്ക് പഞ്ചായത്ത് പ്രസിഡന്റ് കെ.എം.സലീം ഉദ്ഘാടനം ചെയ്തു. ബ്ലോക്ക് പഞ്ചായത്ത് ക്ഷേമകാര്യ ചെയർപേഴ്സൺ സ്വർണമ അദ്ധ്യക്ഷത വഹിച്ചു. ഹെഡ്മിസ്ട്രസ് സുജ ജോസഫ്,​ പി.ടി.എ പ്രസിഡന്റ് വിശാൽ കൃഷ്ണ,​ ബ്ലോക്ക് പഞ്ചായത്ത് മെമ്പർ സുജ രാജീവ്, സ്റ്റാഫ് സെക്രട്ടറി ബി. സജീവ് എന്നിവർ പ്രസംഗിച്ചു.