കൊല്ലം: ഐ.ഡി.പി (ഇന്റർനാഷണൽ ഡ്രൈവിംഗ് പെർമിറ്റ്) ലൈസൻസിനായി പാസ്‌പോർട്ട് ഉള്ളവർക്ക് ഓൺലൈനായി അക്ഷയ സെന്റർ മുഖേനയും സ്വന്തമായും അപേക്ഷ സമർപ്പിക്കാമെന്ന് റീജിയണൽ ട്രാൻസ്പോർട്ട് ഓഫീസർ കെ. അജിത്കുമാർ അറിയിച്ചു. ഫീസ് 1220 രൂപ. പോസ്റ്റൽ/കൊറിയർ ചാർജുകൾ നൽകേണ്ടതില്ല. അപ്രൂവൽ എസ്.എം.എസ് ലഭിച്ചതിന്റെ തൊട്ടടുത്ത പ്രവൃത്തിദിവസം അപേക്ഷകനോ അപേക്ഷകൻ ചുമതലപ്പെടുത്തുന്ന വ്യക്തിക്കോ (ചുമതലാ പത്രത്തിന്റെ അടിസ്ഥാനത്തിൽ) പ്രവൃത്തി ദിവസം രാവിലെ 10.30 മുതൽ ഉച്ചയ്ക്ക് ഒന്ന് വരെ ഓഫീസിൽ നിന്ന് കൈപ്പറ്റാം.