കൊല്ലം: പോളയത്തോട് ശ്മശാനത്തിന് സമീപം തുമ്പൂർമുഴി മോഡൽ എയ്റോബിക് യൂണിറ്റ് പ്ര​വ​ർ​ത്തി​ച്ചി​രു​ന്ന സ്ഥ​ല​ത്ത്, മെക്കനൈസ്ഡ് എയ്റോബിക് കംപോസ്റ്റ് യൂണിറ്റ് ​​കോ​ർ​പ്പറേ​ഷ​ന്റെ മേ​ൽ​നോ​ട്ട​ത്തി​ൽ സ്ഥാപിക്കുന്ന പ്രവർത്തനങ്ങൾ ഇഴയുന്നു. കരാർ ലഭി​ച്ച സ്വകാര്യ ഏജൻസിയായ ടെക്ഫാം ഇന്ത്യ എറണാകുളത്ത് ഏറ്റെടുത്ത പ്രോജക്ട് പൂർത്തി​യാക്കാൻ കൂടുതൽ പ്രാധാന്യം നൽകുന്നതാണ് പ്രതി​സന്ധി​ക്ക് കാരണമെന്ന് ആരോപണമുണ്ട്.

പോ​ർ​ട്ട​ബി​ൾ ക​ണ്ടെ​യ്​​ന​റോ​ടു​കൂ​ടി​യ കം​പോ​സ്റ്റിംഗ്​ യൂ​ണിറ്റാ​ണ്​ സ്ഥാ​പി​ക്കു​ന്ന​ത്. യൂണിറ്റിന്റെ പുറം സ്​ട്രക്​ചർ നിർമ്മാണമാണ് നടന്നുകൊണ്ടി​രുന്നത്​. മാസങ്ങൾക്ക്​ മുമ്പ്​ തുടങ്ങിയ നിർമ്മാണം മഴയെ തുടർന്ന്​ ഇടയ്ക്ക്​ നിറുത്തിവച്ചിരുന്നു. ഇവി​ടം ഇപ്പോൾ പുല്ലുവളർന്ന നിലയിലാണ്. പോളയത്തോട്ടി​ലെ മാലിന്യപ്രശ്നനത്തി​ന് പരിഹാരമായാണ് മെ​ക്ക​നൈ​സ്​​ഡ്​ കം​പോ​സ്റ്റിംഗ് യൂണിറ്റ് സജ്ജമാക്കുന്നത്. വീടുകൾ, ആശുപത്രികൾ, ഹോട്ടൽ എന്നി​വി​ടങ്ങളി​ൽ നിന്നെല്ലാം ജൈവമാലിന്യങ്ങൾ ശേഖരിക്കും. വേ​ർ​തി​രി​ച്ച്​ എ​ത്തി​ക്കു​ന്ന ജൈ​വ​മാ​ലി​ന്യ​മാ​ണ്​ യൂണി​റ്റി​ൽ സ്വീ​ക​രി​ക്കു​ക. നേരി​ട്ട് എ​ത്തി​ക്കാ​ൻ ക​ഴി​ഞ്ഞി​ല്ലെ​ങ്കി​ൽ വീ​ടു​ക​ളി​ൽ ഉ​ൾ​പ്പെ​ടെ എ​ത്തി​ മാ​ലി​ന്യം ശേ​ഖ​രി​ക്കും. ജൈവ​മാ​ലി​ന്യ സം​സ്​​ക​ര​ണം കൂ​ടു​ത​ൽ വേ​ഗ​ത്തി​​ലും ശാ​സ്ത്രീ​യ​മാ​യും നി​ർ​വ​ഹി​ക്കാ​നാ​കും എ​ന്ന​താ​ണ്​ പ​ദ്ധ​തി​യു​ടെ പ്ര​ത്യേ​ക​ത.

24 മണിക്കൂറും പ്രവർത്തനം

 സു​ര​ക്ഷ ക്യാ​മ​റ, അലാറം എ​ന്നി​വ സജ്ജമാക്കും

 ചു​റ്റും മ​റ​ച്ച ശീ​തീ​ക​രി​ച്ച പോ​ർ​ട്ട​ബി​ൾ ക​ണ്ടെ​യ്​​ന​ർ കാ​ബി​നു​ക​ൾ

 ഇ​തി​നു​ള്ളി​ൽ ജൈ​വ​മാ​ലി​ന്യം സം​സ്ക​രി​ക്കു​ന്ന യ​ന്ത്രം

​ മാ​ലി​ന്യ സം​സ്ക​ര​ണ യ​ന്ത്ര​ത്തി​ന്​ എ​ട്ട​ര അ​ടി നീ​ള​വും ര​ണ്ട​ടി വീ​തി​യും നാല​ടി ഉ​യ​ര​വും

 മാ​ലി​ന്യം സം​സ്ക​രി​ക്കു​മ്പോ​ൾ ദു​ർ​ഗ​ന്ധ​മോ മ​ലി​ന​ജ​ല​മോ പു​റ​ത്തേ​ക്ക്​ വ​രി​ല്ല

 പ്ലാന്റിലേക്കുള്ള മാലിന്യ ശേഖരണത്തിനായി രണ്ട് ഓട്ടോറി​ക്ഷകൾ

 24 മണിക്കൂറും പ്ലാന്റ് പ്രവർത്തിക്കും. ഷിഫ്റ്റ് അടിസ്ഥാനത്തിൽ ജീവനക്കാർ

മെക്കനൈസ്ഡ് എയറോബിക് കംപോസ്റ്റിംഗ് യൂണിറ്റിന്റെ നിർമ്മാണം വേഗത്തിലാക്കാൻ നടപടി സ്വീകരിക്കും. നിർമ്മാണ കമ്പനിയുമായി കൂടിക്കാഴ്ച നടത്തും

ഹണി ബെഞ്ചമിൻ, മേയർ