കൊല്ലം: യുവാവിനെ അഷ്ടമുടി കായലിൽ മരിച്ച നിലയിൽ കണ്ടെത്തി. അഷ്ടമുടി പള്ളത്ത് പടിഞ്ഞാറ്റതിൽ പരേതരായ ഗോപാലകൃഷ്ണന്റെയും സുമതിയുടെയും മകൻ മധുവാണ് (48) മരിച്ചത്. ഇന്നലെ പുലർച്ചെ 7 ഓടെ വീടിന് സമീപത്ത് കൊപ്ലിത്താഴെ കായൽ വാരത്താണ് മരിച്ച നിലയിൽ കണ്ടെത്തിയത്. വീട്ടിൽ ഒറ്റയ്ക്കായിരുന്നു താമസം. സമീപവാസികളാണ് മൃതദേഹം കാണുന്നത്. ജില്ലാ ആശുപത്രിയിൽ പോസ്റ്റ് മോർട്ടത്തിന് ശേഷം സംസ്കരിച്ചു. അഞ്ചാലുംമൂട് പൊലീസ് കേസെടുത്തു.