ശാസ്താംകോട്ട : കുന്നത്തൂർ പോരുവഴിയിൽ ഒരു കോടി രൂപ ചെലവിൽ നിർമ്മിക്കുന്ന സർക്കാർ ആയുർവേദ ആശുപത്രിയുടെ നിർമ്മാണം പുരോഗമിക്കുന്നു. ദേശീയ ആയുഷ് മിഷന്റെ ഭാഗമായി എം.പിയുടെ ഇടപെടലിലാണ് പദ്ധതിക്ക് ഭരണാനുമതി ലഭിച്ചത്. ഗ്രാമപ്രദേശങ്ങളിലെ സാധാരണ ജനങ്ങൾക്ക് മികച്ച ചികിത്സ ഉറപ്പാക്കുകയാണ് ലക്ഷ്യം.

ആശുപത്രിയിലെ സൗകര്യങ്ങൾ

• അഞ്ച് കിടക്കകളുള്ള പുരുഷ-വനിതാ വാർഡുകൾ

• വാർഡുകളോടനുബന്ധിച്ച് പ്രത്യേക ശുചിമുറി സൗകര്യങ്ങൾ.

• ചികിത്സാ മുറിയും വസ്ത്രം മാറാനുള്ള സൗകര്യവും.

• ശുചിമുറിയോട് കൂടിയ നഴ്‌സിങ് സ്റ്റേഷനും നഴ്‌സുമാരുടെ മുറിയും.

• രോഗികൾക്കും കൂടെയുള്ളവർക്കും വേണ്ടിയുള്ള കാത്തിരിപ്പ് മുറി.

മെച്ചപ്പെട്ട കിത്സാ സേവനങ്ങൾ

ആകെ 235.80 ചതുരശ്ര മീറ്റർ (2538.15 ചതുരശ്ര അടി) വിസ്തൃതിയിലാണ് ആശുപത്രി നിർമ്മാണം നടക്കുന്നത്. ഈ പദ്ധതി പൂർത്തിയാകുന്നതോടെ പോരുവഴിയിലെയും സമീപ പ്രദേശങ്ങളിലെയും ജനങ്ങൾക്ക് മെച്ചപ്പെട്ട ആയുർവേദ ചികിത്സാ സേവനങ്ങൾ ലഭ്യമാകും.

.