കൊല്ലം: അയത്തിൽ ജംഗ്ഷനിൽ നിന്ന് കുറ്റിച്ചിറ കരിക്കോട് ടി.കെ.എം കോളേജ് വരെ നീളുന്ന മൂന്ന് കിലോമീറ്റർ റോഡിലെ ദുർവിധി പരി​ഹാരമി​ല്ലാതെ തുടരുന്നു. പ്രദേശവാസി​കൾ അനുഭവി​ക്കുന്ന ദുരി​തം അധി​കൃതർ ഗൗനി​ക്കുന്നേയി​ല്ല.

ആകെ പൊട്ടിപ്പൊളിഞ്ഞ് കിടന്ന റോ‌ഡിൽ പുനർ നി​ർമ്മാണത്തി​ന്റെ പേരി​ൽ ആറ് മാസം മുമ്പ് മെറ്റി​ലുകൾ നി​രത്തി​. എം.എൽ.എ ഫണ്ടിൽ നിന്ന് 3.20 കോടി അനുവദിക്കുകയും ചെയ്തു. ഉടൻ തന്നെ നി​ർമ്മാണ പ്രവർത്തനങ്ങൾ ആരംഭി​ക്കുമെന്നായി​രുന്നു വാഗ്ദാനമെങ്കി​ലും ഒന്നുമുണ്ടായി​ല്ല. വാഹനങ്ങൾ കടന്നു പോകുമ്പോൾ മെറ്റിൽ ചീളുകൾ തെറിച്ച് കാൽനട യാത്രക്കാർക്ക് പരിക്കേറ്റി​ട്ടുണ്ട്. നിരവധി വീടുകൾക്കും വാഹനങ്ങൾക്കും ഇത്തരത്തിൽ കേടുപാടുകൾ സംഭവിച്ചതായും നാട്ടുകാർ പറയുന്നു.

അങ്കണവാടികൾ, ആരാധനാലയങ്ങൾ, കച്ചവട സ്ഥാപനങ്ങൾ എന്നി​വയും നിരവധി വീടുകളും റോഡിന്റെ ഇരുവശത്തുമായുണ്ട്. വാഹനങ്ങൾ കടന്നുപോകുമ്പോൾ മെറ്റി​ലുകൾ ചി​ന്നി​ച്ചി​തറി​ രണ്ടു ഭാഗത്തായി​ കി​ടക്കുകയാണ്. ഇക്കാരണത്താൽ കാൽനട യാത്രക്കാർക്ക് സുരക്ഷിതമായി നടക്കാൻ കഴിയുന്നി​ല്ല. ജനങ്ങളെ വലയ്ക്കുന്ന ദു​രി​ത​യാ​ത്രയ്ക്ക് പരിഹാരം കാണണമെ​ന്നാ​വ​ശ്യ​പ്പെ​ട്ട് ജനകീയ കമ്മിറ്റിയുടെ നേ​തൃ​ത്വ​ത്തി​ൽ പ്ര​തി​ഷേ​ധ പരിപാടികൾ ശക്തമാക്കാനുള്ള തയ്യാറെടുപ്പിലാണ് നാ​ട്ടു​കാ​ർ.

റോഡിന്റെ നിർമ്മാണ പ്രവർത്തനങ്ങൾ ആരംഭിച്ചിട്ടുണ്ട്. ബി.എം ആൻഡ് ബി.സി നിലവാരത്തിലാണ് നിർമ്മിക്കുന്നത്. കഴിഞ്ഞ മാസങ്ങളിൽ പെയ്ത ശക്തമായ മഴയാണ് നിർമ്മാണം നീണ്ടുപോകാൻ കാരണം. രണ്ടാഴ്ചയ്ക്കകം പൂർത്തിയാക്കും

എ. നൗഷാദ് കിളികൊല്ലൂർ കൗൺസിലർ

................................

വർഷങ്ങളായി തകർന്ന് കിടന്ന റോഡിന്റെ നിർമ്മാണത്തിന് തുടക്കമിട്ട് മെറ്റിൽ നിരത്തിയപ്പോൾ പ്രശ്നത്തിന് പരിഹാരമായല്ലോ എന്ന് ആശ്വസിച്ചതാണ്. എന്നാൽ നിരത്തിയ മെറ്റിൽ വലിയ തലവേദനയായി മാറിയിരിക്കുകയാണ്

സന്ധ്യ ബാലൻ, പ്രദേശവാസി