കരുനാഗപ്പള്ളി: നവരാത്രി, ശബരിമല മണ്ഡലകാലത്തെ തിരക്ക് കുറയ്ക്കുന്നതിന് ഹൂബ്ലി - കൊല്ലം സ്പെഷ്യൽ ട്രെയിന് കരുനാഗപ്പള്ളിയിലും കായംകുളത്തും സ്റ്റോപ്പ് അനുവദിച്ചതായി കെ.സി.വേണുഗോപാൽ എം.പി അറിയിച്ചു

ഞായറാഴ്ച വൈകിട്ട് 3.15ന് ഹൂബ്ലിയിൽ നിന്നാരംഭിക്കുന്ന സർവീസ് തിങ്കളാഴ്ച ഉച്ചയ്ക്ക് 11.45ന് കരുനാഗപ്പള്ളിയിലും 12.55ന് കൊല്ലത്തും എത്തും. തിരിച്ച് തിങ്കളാഴ്ച വൈകിട്ട് 5ന് കൊല്ലത്ത് നിന്ന് പുറപ്പെടുന്ന ട്രെയിൻ 5.28ന് കരുനാഗപ്പള്ളിയിൽ നിറുത്തും. സെപ്തംബർ 28 മുതൽ ഡിസംബർ 29 വരെയാണ് സ്പെഷ്യൽ ട്രെയിൻ സർവീസ്. ആലപ്പുഴ പാർലമെന്റ് മണ്ഡലത്തിൽ കരുനാഗപ്പള്ളിക്ക് പുറമെ കായംകുളത്തും ട്രെയിനിന് സ്റ്റോപ്പ് ഉണ്ടാകും.