ചവറ: എം.എൽ.എ ആസ്തി വികസന ഫണ്ടിൽ നിന്ന് അനുവദിച്ച ഒരു കോടി 66 ലക്ഷം രൂപ വിനിയോഗിച്ച് പന്മനയിലെ ശ്രീബാലഭട്ടാരകവിലാസം സംസ്കൃത ഹയർസെക്കൻഡറി സ്കൂളിൽ നിർമ്മിച്ച പുതിയ കെട്ടിടം ഡോ.സുജിത് വിജയൻപിള്ള എം.എൽ.എ ഉദ്ഘാടനം ചെയ്തു. പുതിയ കെട്ടിടത്തിലെ വിവിധ സൗകര്യങ്ങൾ വ്യത്യസ്ത നേതാക്കൾ ഉദ്ഘാടനം ചെയ്തു. മാത്സ് ലാബ് പന്മന ഗ്രാമപഞ്ചായത്ത് വൈസ് പ്രസിഡന്റ് പന്മന ബാലകൃഷ്ണനും സ്മാർട്ട് ക്ലാസ് റൂം ചവറ ബ്ലോക്ക് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ പ്രസന്നൻ ഉണ്ണിത്താനും സെമിനാർ ഹാൾ ജില്ലാ പഞ്ചായത്ത് അംഗം അഡ്വ.സി.പി.സുധീഷ് കുമാറും ഉദ്ഘാടനം ചെയ്തു. ചടങ്ങിൽ വെച്ച് ബിൽഡിംഗ് കോൺട്രാക്ടർമാരായ ജെ.റഫീഖ്, എസ്.ശ്രീകാന്ത് എന്നിവരെ ആദരിച്ചു.

പന്മന ഗ്രാമപഞ്ചായത്ത് അംഗം ഹനീസാ നിസാർ, എ.ഇ.ഒ ടി.കെ.അനിത, പി.ടി.എ പ്രസിഡന്റ് അജി, പ്രിൻസിപ്പൽ ജെ.ടി.ബിന്ദു, ഹെഡ്മാസ്റ്റർ ഗംഗാദേവി, എസ്.എം.സി ചെയർമാൻ പന്മന മഞ്ചേഷ്, എം.പി.ടി പ്രസിഡന്റ് വി. രാജി , എസ്.പി.സി ഗാർഡിയൻ പ്രസിഡന്റ് ആഷിം അലിയാർ, പി.ടി.എ വൈസ് പ്രസിഡന്റ് എ.കെ.ആനന്ദകുമാർ, എസ്.എം.സി വൈസ് പ്രസിഡന്റ് നാസർ തേവലക്കര, എച്ച്.എസ്.എസ് സീനിയർ അസിസ്റ്റന്റ് എം.ബുഷ്റബീവി, എച്ച്.എസ് സീനിയർ അസിസ്റ്റന്റ് മായ, എച്ച്.എസ്.എസ്. സ്റ്റാഫ് സെക്രട്ടറി പ്രസാദ്, എച്ച്.എസ്. സ്റ്റാഫ് സെക്രട്ടറി ഷൈൻകുമാർ, മുൻ പി.ടി.എ പ്രസിഡന്റുമാരായ നിസാർ കന്നയിൽ, അബ്ദുൽ സലീം, സിദ്ധിഖ്, മുൻ പ്രിൻസിപ്പൽ ജൂനാ താഹ, പൊതുമരാമത്ത് വകുപ്പ് ഉദ്യോഗസ്ഥരായ എക്സിക്യുട്ടീവ് എൻജിനീയർ ശ്രീജ, അസിസ്റ്റന്റ് എക്സിക്യുട്ടീവ് എൻജിനീയർ സന്തോഷ്, അസിസ്റ്റന്റ് എൻജിനീയർ ഹരികൃഷ്ണൻ തുടങ്ങിയവർ ചടങ്ങിൽ സംസാരിച്ചു.