പുത്തൻചിറ: പുത്തൻചിറ മേഖലയിലെ ശ്രീനാരായണ ഗുരുദേവ ജയന്തി ആഘോഷം ഇന്ന് രാവിലെ 10 മുതൽ കൊമ്പത്തുകടവ് കണ്ണാടിപറമ്പിൽ ഓഡിറ്റോറിയത്തിൽ മുകുന്ദപുരം യൂണിയൻ പ്രസിഡന്റ് സി.ഡി. സന്തോഷ് ചെറാക്കുളം ഉദ്ഘാടനം ചെയ്യും. സി.കെ.യുധി മാസ്റ്റർ അദ്ധ്യക്ഷനാകും. അമരിപ്പാടം ഗുരുനാരായണ ആശ്രമത്തിലെ ബ്രഹ്മ സ്വരൂപാനന്ദ സ്വാമികൾ ജയന്തി സന്ദേശം നൽകും. ചടങ്ങിൽ യൂണിയൻ സെക്രട്ടറി കെ.കെ.ചന്ദ്രൻ മുഖ്യ അതിഥിയാകും. ഘോഷയാത്ര, ജയന്തി സമ്മേളനം, എസ്.എസ്.എൽ.സി പ്ലസ് ടു അവാർഡ് വിതരണം,അമൃതഭോജനം, കലാസാംസ്‌കാരിക പരിപാടികൾ എന്നിവ ഉണ്ടായിരിക്കും. മുകുന്ദപുരം യൂണിയൻ എസ്.എൻ.ഡി.പി യോഗത്തിന്റെ നേതൃത്വത്തിൽ വിവിധ ശാഖകളും സംഘടനകളും ചേർന്നാണ് ആഘോഷം. ഘോഷയാത്ര രാവിലെ 10ന് വെള്ളൂർ സ്‌കൂൾ ഗ്രൗണ്ടിൽ നിന്ന് തുടക്കമാകും.