തൃശൂർ: വൈദ്യുതി വിഭാഗത്തിലെ ജീവനക്കാരെ വെട്ടിക്കുറച്ച നടപടി ചർച്ച ചെയ്യാൻ വിളിച്ച കോർപറേഷൻ യോഗത്തിൽ നാടകീയ രംഗങ്ങൾ. സർക്കാർ ഉത്തരവിറക്കിയത് മേയറും സി.പി.എം നേതൃത്വവും അറിഞ്ഞാണെന്നും ഗൂഢാലോചനയുണ്ടെന്നും ആരോപിച്ചാണ് പ്രതിപക്ഷ നേതാവ് രാജൻ പല്ലന്റെയും ജോൺ ഡാനിയേലിന്റെയും നേതൃത്വത്തിൽ കോൺഗ്രസ് കൗൺസിലർമാർ നടുത്തളത്തിൽ ഇറങ്ങിയത്. ഒരു മണിക്കൂറോളം മുദ്രാവാക്യം വിളിച്ച് യോഗം തടസപ്പെടുത്തിയെങ്കിലും പിരിച്ചുവിടാൻ തയ്യാറാകാതെയിരുന്ന മേയർ എം.കെ.വർഗീസിനെ പ്രതിപക്ഷ കൗൺസിലർമാർ ഉപരോധിക്കാനായി വളഞ്ഞു. ഇതോടെ ഭരണകക്ഷിയിലെ പി.കെ.ഷാജന്റെയും വർഗീസ് കണ്ടംകുളത്തിയുടെയും അനീസ് മുഹമ്മദിന്റെയും നേതൃത്വത്തിൽ കോൺഗ്രസ് കൗൺസിലർമാരെ തള്ളിനീക്കി ബലമായി മേയറെ മോചിപ്പിച്ച് ചേംബറിൽ കൊണ്ടുപോയി. ചെറിയ തോതിൽ ഉന്തുംതള്ളും നടന്നെങ്കിലും പരസ്പരം വെല്ലുവിളിയുമായി വീണ്ടും കുറച്ചു നേരം കൗൺലിലർമാർ മുഖാമുഖം മുദ്രാവാക്യം വിളി തുടർന്നു.
തസ്തിക വെട്ടിക്കുറച്ച നടപടി ശരിയല്ലെന്ന് മേയർ കൗൺസിലിൽ അറിയിച്ചു. ഈ ഉത്തരവ് റദ്ദ് ചെയ്യണമെന്നും ശമ്പള പരിഷ്‌കരണം അടിയന്തിരമായി നടപ്പാക്കണമെന്നും തീരുമാനിക്കാനാണ് കൗൺസിൽ യോഗം വിളിച്ചതെന്ന് മേയർ തുടക്കത്തിൽ തന്നെ വ്യക്തമാക്കി. സർക്കാരിൽ നിന്ന് തീരുമാനം ലഭിച്ചില്ലെങ്കിൽ കോടതിയെ സമീപിക്കുമെന്നും മേയർ പറഞ്ഞു. ഏഴു ദിവസത്തിനുള്ളിൽ പ്രശ്‌നം പരിഹരിക്കുമെന്ന് പറഞ്ഞിട്ടും നടപടിയെടുക്കാതെ ജനങ്ങളെ വഞ്ചിച്ച് വിതരണം ഊരാളുങ്കൽ സൊസൈറ്റിയെ ഏൽപ്പിക്കാനുള്ള നീക്കമാണ് നടത്തുന്നതെന്ന് പ്രതിപക്ഷ കൗൺസിലർമാർ പറഞ്ഞു. പ്രശ്‌നം ഉടൻ പരിഹരിക്കണമെന്ന് ബി.ജെ.പി കൗൺസിലർ വിനോദ് പൊള്ളാഞ്ചേരിയും ആവശ്യപ്പെട്ടെങ്കിലും കോൺഗ്രസിനൊപ്പം സമരത്തിനിറങ്ങാതെ സീറ്റിൽ തന്നെയിരുന്നു. എൻ.പ്രസാദ്. പൂർണിമ സുരേഷ്. ഡോ.വി.ആതിര, കെ.ജി. സനിജി, എൻ.വി.രാധിക എന്നിവർ സംസാരിച്ചു.

നശിപ്പിച്ചത് ആർ.ബിന്ദു മേയറായിരുന്നപ്പോൾ
ഇപ്പോഴത്തെ മന്ത്രി ആർ.ബിന്ദു മേയറായിരിക്കുമ്പോൾ കെ.എസ്.ഇ.ബിയുടെ സാമ്പത്തിക ബുദ്ധിമുട്ട് പരിഹരിക്കാൻ കോർപറേഷൻ വൈദ്യുതി വിഭാഗത്തിൽ നിന്നും 58 കോടി രൂപ അടച്ചതോടെയാണ് കോർപറേഷൻ വൈദ്യുതി വിഭാഗത്തിന്റെ സർവനാശം തുടങ്ങിയതെന്ന് രാജൻ പല്ലൻ പറഞ്ഞു. കഴിഞ്ഞ കൗൺസിൽ യോഗത്തിൽ ഈ വിഷയം താൻ തന്നെ അവതരിപ്പിക്കുകയും ഭരണകക്ഷി സ്റ്റാൻഡിംഗ് കമ്മിറ്റി ചെയർപേഴ്‌സൺ സാറാമ്മ റോബ്‌സൺ പിന്തുണയ്ക്കുകയും ചെയ്തിരുന്നു.

​ഉ​ത്ത​ര​വ് ​പി​ൻ​വ​ലി​ക്കും​:​ ​മേ​യർ

തൃ​ശൂ​ർ​:​ ​കോ​ർ​പ​റേ​ഷ​ൻ​ ​വൈ​ദ്യു​തി​ ​വി​ഭാ​ഗം​ ​ത​സ്തി​ക​ക​ൾ​ ​വെ​ട്ടി​ക്കു​റ​ച്ച​ ​ത​ദ്ദേ​ശ​ ​വ​കു​പ്പ് ​ഉ​ത്ത​ര​വ് ​പി​ൻ​വ​ലി​ക്കു​മെ​ന്ന് ​മേ​യ​ർ​ ​എം.​കെ.​വ​ർ​ഗീ​സ് ​വാ​ർ​ത്താ​സ​മ്മേ​ള​ന​ത്തി​ൽ​ ​പ​റ​ഞ്ഞു.​ ​പ്ര​ശ്‌​നം​ ​നി​യ​മ​പ​ര​മാ​യി​ ​പ​രി​ഹ​രി​ക്കാ​ൻ​ 23​ന് ​തി​രു​വ​ന​ന്ത​പു​ര​ത്ത് ​മ​ന്ത്രി​ ​എം.​ബി.​രാ​ജേ​ഷ് ​ച​ർ​ച്ച​യ്ക്ക് ​വി​ളി​ച്ചി​ട്ടു​ണ്ട്.​ ​ജീ​വ​ന​ക്കാ​രു​ടെ​ ​ശ​മ്പ​ള​ ​പ​രി​ഷ്‌​ക​ര​ണ​വും​ ​ച​ർ​ച്ച​ ​ചെ​യ്ത് ​ന​ട​പ്പാ​ക്കും.
നേ​ര​ത്തെ​ ​ഉ​ത്ത​ര​വ് ​പി​ൻ​വ​ലി​ക്ക​ണ​മെ​ന്ന​ ​ആ​വ​ശ്യ​മു​ന്ന​യി​ച്ച് ​മു​ഖ്യ​മ​ന്ത്രി​ക്കും​ ​മ​ന്ത്രി​മാ​രാ​യ​ ​എം.​ബി.​രാ​ജേ​ഷി​നും​ ​കെ.​രാ​ജ​നും​ ​സി.​പി.​എം​ ​സെ​ക്ര​ട്ട​റി​ ​ഗോ​വി​ന്ദ​ൻ​ ​മാ​സ്റ്റ​ർ​ക്കും​ ​ക​ത്തു​ന​ൽ​കി.​ ​തു​ട​ർ​ന്നാ​ണ് 23​നു​ള്ളി​ൽ​ ​അ​നു​കൂ​ല​ ​തീ​രു​മാ​ന​മു​ണ്ടാ​കു​മെ​ന്നും​ ​അ​തി​നു​ള്ള​ ​ന​ട​പ​ടി​ക്ര​മ​ങ്ങ​ൾ​ ​ആ​രം​ഭി​ച്ച​താ​യും​ ​അ​റി​യി​പ്പ് ​കി​ട്ടി​യ​ത്.