കൊടുങ്ങല്ലൂർ : ബസിൽ യാത്ര ചെയ്തിരുന്ന പ്രായപൂർത്തിയാകാത്ത പെൺകുട്ടിയോട് ലൈംഗികാതിക്രമം നടത്തിയ കേസിലെ പ്രതി അറസ്റ്റിൽ. എറിയാട് കാരിയക്കാട്ട് വീട്ടിൽ ജിതിൻ (26) എന്നയാളെയാണ് തൃശൂർ റൂറൽ പൊലീസ് അറസ്റ്റ് ചെയ്തത്. ചൊവ്വാഴ്ച രാത്രി 8.30ഓടെ സ്വകാര്യ ബസിൽ യാത്ര ചെയ്യുകയായിരുന്ന പ്രായപൂർത്തിയാകാത്ത പെൺകുട്ടിയുടെ പുറകിൽ നിന്നിരുന്ന പ്രതി ദേഹത്ത് സ്പർശിച്ച് ലൈംഗികാതിക്രമം നടത്തിയെന്നാണ് കേസ്. കൊടുങ്ങല്ലൂർ എസ്.എച്ച്.ഒ: ബി.കെ.അരുൺ, എസ്.ഐ: കെ.ജി.സാലിം, ജി.എസ്.സി.പി.ഒ: പി.ഗിൽബർട്ട് ജേക്കബ് എന്നിവരാണ് അന്വേഷണ സംഘത്തിലുണ്ടായിരുന്നത്.